پێشوازی ل شاندەکێ تورا هەماهەنگیا رێکخراوان هاتەکرن
د.ئەفراسیاب موسا، رێڤەبەرێ گشتیێ ساخلەمیا دهۆکێ، ئەڤرۆ رۆژا سێشەمبی 17/10/2023، پێشوازی ل شاندەكێ تورا هەماهەنگیا رێكخراوێن CNO ئوفیسا دهۆك كر، د كومبوونەکێ دا، رێڤەبەرێ گشتیێ ساخلەمیێ، رولێ رێكخراوێن مەدەنی و كاریگەری و گەهاندنا هشیاریێ د ناڤ جڤاكی دا بلند نرخاند و خواست هەڤکاربن بۆ بەلاڤکرنا رەوشەنبیری و هشیاریا ساخلەمیێ دناڤ جڤاکی دا وەکو ئێک ژ بنەمایێن خۆپاراستنێ.
تورا رێكخراوان، دیارکر، پشتی ئامادەبوونا وان ل كونفرانسێ رێڤەبەریا گشتی یا ساخلەمیا دهۆکێ، ئەوێ ل رۆژا جیهانیا ساخلەمیا دەروونی هاتیە ئەنجامدان، ل دۆر بەرهنگاربوونا ( مادەیێن هۆشبەر ) ب رێكێن جودا، ئەو ب هەڤكاری ل گەل رێڤەبەریا ساخلەمیێ دێ کارکەن بۆ بجهئینانا ئەو راسپاردە و پێشنیارێن د کونفرانسی دا هاتینە دیارکرن.
ل دووماهیێ گەنگەشە ل دۆر چاوانیا هەڤکاریکرنێ د بیاڤێ ناڤبری دا هاتەکرن.
