ڕوونكرنەک ل وەزارەتا ساخلەمیێ بۆ ڕایا گشتی

ل كەنالەکێ سۆشیال میدیایێ دوور ژ ئەتەكێتا میدیایی پەیامەکێ نەراست بەلاڤکریە، کو ڤەگوهاستنا نەخۆشان ب ترۆمبێلێن ڤێراگەهشتنێ (ئەمبوڵانس) بوویە ب پارە و بها بۆ دانایە.

هاوولاتیێن خۆشتڤی دلنیادکەین ئەڤ پەیامە دوورە ژ ڕاستیێ و ڤەگوهاستنا نەخۆشان ب ترۆمبێلێن ڤێراگەهشتنێ (ئەمبوڵانس) ب هەروەیە ب شەڤ و ب ڕۆژ ل هەموو ڕۆژان، بێ هیچ بها و خەرجییەك،

ل هەمان دەمدا ڕادگەهینین كو وەزارەتا مە ب ڕێنمایێن تایبەت بهایێ ڤەگوهاستنا نەخۆشان ژلایێ ترۆمبێلێن كەرتێ تایبەت (ئەمبوڵانسێن ئەهلی) رێکخستیە و بهایێن وان كێمكرینە و سنوورداركرینە بۆ كێمكرنا بارگرانیا ل سەر مللێن هاوولاتیان.

جارەکا دی دوپات دكەین، ب كارئینانا ئەمبوڵانسێن حكومی بۆ نەخۆشان ل هەموو هەرێما كوردستان بێبەرامبەرە.