ریکەڤتنەک بۆ رێڤەبەرنا ھۆلا ژن وزارۆبوونی و رێڤەبەرنا بنگەھێ ساخلەمیێ ل شنگال ھاتە ئێمزاکرن

رێڤەبەریا گشتیی ساخلەمیێ ل پارێزگەھا دھۆکێ بۆ ئەڤرۆ دیارکرکو دۆھێ ١٧/٤/٢٠١٦ رێکەڤتنەک ناڤبەرا ساخلەمیا پارێزگەھا دھۆکێ و رێکخراوا waha یا فەرەنسی و ساخلەمیا پارێزگەھا مووسل ھاتە ئێمزاکرن بۆ ئاڤاکرنا ھۆلا ژن وزارۆبوونێ ل ناحیا سنوونی وچیکرنا بنگەھێ ساخلەمیێ ل شنگال.
د. نزار عێمەت تەیب رێڤەبەرێ گشتیی ساخلەمیێ ل پارێزگەھا دھۆکێ دیارکرکو ھولەکا ژن وزارۆبوونی یا مۆدرین و پێگھاتی ژ ھەموو خزمەتێن ساخلەمیێ دێ نەخۆشخانا سنوونی یا گشتیی ھێتە چێکرن بۆ ھندی باشترین شیوە خزمەتا دایکێن دووگیان و چاڤدیریا وان دەڤەرا شنگال بھێتە کرن ئەڤ ھۆلا زارۆبوونی دێ ھێتە رێڤەبرن ژلایێ ساخلەمیا دھۆکێ و ساخلەمیا مووسل و رێکخراوا waha یا فەرەنسی.
د. نزار عێمەت ئەوژی دیارکرکو دووڤ وێ رێکەڤتنا ھاتە ئێمزاکرن ل دەڤەرا شنگال ژێ دێ بنگەھەکێ مۆدرین ساخلەمیێ ھێتە دروستکرن وھەموو پێدڤێن ساخلەمیێ دێ بنگەھێ ساخلەمیێ ھەبن بۆ خزمەتکرنا وەلاتیان ل دەڤەرێ و چیایی شنگال کەت کو ھژمارەکا زۆر وەلاتیان یێن چووینە شنگال و پێدڤی خزمەتێن ساخلەمیێ ھەنە ئەم داخوازی ژ ھەموو ریکخراوان دکەین دەست ھاریکاری بۆ دەڤەرا شنگال و ھەموو دەڤەرین دێ کوردستانێ دریچژ بکەن بۆ ئاڤاکرنا نەخۆشخانە وبنگەھێن ساخلەمیێ.
د. ئەحمەد الدوبردانی رێڤەبەرێ ساخلەمیا مووسل ل پارێزگەھا دھۆکێ دیارکرکو بەغدا چوو ناکەت بۆ ئاڤاکرنا نەخۆشخانا و بنگەھێن ساخلەمیێ ل دەڤەرێن دھێنە رزگارکرن ژ تیرورستێن داعش وەکو شنگال و زومار و شیخان و وانکی و مەخمور وگەلەک کۆمەلگەە و گۆند و ناحێن دێ رزگاری ئەم دەنگی خوە بلند دکەن بۆ ھەموو رێکخراوێن خیرخوازی و نیڤ دەولەتی بۆ پشتەڤانیی کرنا ساخلەمیا مووسل گریبەستا ئاڤاکرنا ھولا زارۆکبوونی ل سنونی دەڤەرا شنگال ھاتە ئیمزاکرن ل حەڤتیا بھێت دێ دەست بکاری ھێتە کرن.
ناڤبری ئەوژی دیارکرکو رێکخراوا waha یا فەرەنسی گەلەک ھەڤکاریا ساخلەمیا موسل دکەت ل ھەموو دەڤەرین رزگاری ڤەدیتن یێن ھاتینە ئەنجامدان بۆ چیکرنا نەخۆشخانا و بنگەھێن تەندروستی لێ عیراق یا قەیرانی دا یا زەحمەت بشیت ل ھەموو دەڤەران خزمەتێن ساخلەمیێ ئەنجام بدەت لەورا ژێ ئەم دگەل ساخلەمیا دھۆکێ پیکڤە کاردکەن پشتەڤانیا حوکمەتا ھەرێما کوردستانێ بۆ ھندی زووترین وەخت خزمەتێن ساخلەمیێ بگەھنە ھەموو دەڤەران ب ھیڤیا بەغدا ڤە نەمین.