ساخلهمییا زارۆكان دناڤ ئاواره و پهنابهران گرنگى پێ دهێته دان
|ب ئارمانجا وێ چهندێ رهوشهنبیریا ساخلهمیێ دناڤ ئاواره و پهنابهرێن پارێزگهها دهۆكێ دا بهێته بهلاڤكرن، ههژمارهكا خۆلان لسهر رهوشهنبیریا ساخلهمیا زارۆكا دهێنه ڤهكرن.
شكری سلێمان ئێك ژ وانهبێژێن وان خۆلا دیاركر، ماوهیێ دو حهفتییانه ل كهمپێن دومیز و خانكێ و بێرسڤێ ههژمارهكا خۆلا بۆ خۆبهخشێن دناڤ وان ههرسێ كهمپان دا دهێنه ڤهكرن لسهر رێكێن دروست یێن پاراستنا ساخلهمییا زارۆكى، بۆ هندێ ئهوژى ب رێیا خوه وان نامهیان كو پشتى شیانێن وان دهێنه پێشڤهبرن دناڤ كهمپێن خوه بێخنه كارى.
ههروهسا دازانین ههر خۆلهك بۆ ماوهیێ سێ رۆژان ڤهدكێشیت و وانه ژ ئالیێ هندهك شارهزایێن رهوشهنبیرییا ساخلهمیێ ڤه دهێنه گۆتن، ئاماژهكر ژى ئهڤ پرۆژهیه رێڤهبهریا كاروبارێن خوپاراستنا ساخلهمیێ ل پارێزگهها دهۆكێ ب هاریكارى دگهل سهنتهرێ هشیارییا ساخلهمیێ و ب پشتهڤانییا رێكخراوا یونیسێف ئهنجام ددهت كو بریاره بۆ ماوهیێ دو مههان ئهو تیمێن دهێنه دهستنیشانكرن بكهڤنه كارى.