هولا زاروکبونێ ل کەمپا کەبەرتو 1هاتە ڤەکرن

ل دیڤ بەرنامەکێ دارشتى یا ساخلەمیا پرێزگەها دهوکێ ژبو گەهاندنا هەمى خزمەتێن ساخلەمیێ بو هەمى کەمپا ل سنورێ پارێزگەها دهوکێ ئەڤرو هولا زاروکبونێ ل کەمپا کەبەرتو 1 هاتە ڤەکرن ب ئامادەبونا د. نزار عسمەت رێڤەبەرێ گشتى ساخلەمیا پارێزگەها دهوکێ و رێڤەبەرێ کەمپا ناڤبرى و نینەرێن رێکخراوێن ( -giz-UNFPA) و چەند نوشدار و کارمەندێن پەیوەندیدار .

د. نزار عسمەت رێڤەبەرێ گشتى ساخلەمیا پارێزگەها دهوکێ : وەک پلان بو دابینکرنا باشترین خزمەتێن ساخلەمیێ ل هەمى کەمپێن سنورێ پارێزگەها دهوکێ وەک یا دیار رێژەکا زور ژ ئاوارا و کەمپا لسنورێ مە هەنە و گەهاندنا خزمەتا ل ناڤ ڤان کەمپا مە پلانەکا دارشتیە دگەل حکومەتا هەرێمێ و رێکخراوێن بیانى بو جێبەجێکرنا بنگەها و دابینکرنا پێداویستێن وان و نوشدارو کارمەندێن پێدڤى و رێگرتن ژ هەر نەخوشیەکا نەچاڤەرێکرى  و داکو ئەو کەسێن دناڤ ڤان کەمپا پێدڤى ب چ جهێن دى نەبن بو هەر خزمەتەکا ساخلەمیێ .

د. بەختیار ئەحمەد رێڤەبەرێ کاروبارێن خوپارستنا ساخلەمیێ : ئەڤرو رێڤەبەریا ساخلەمیا پارێزگەها دهوکێ و ب هەڤکاریا لایەنێن پشتەڤان هولا زاروکبونێ ل کەمپا کەبەرتو 1 هاتە ڤەکرن ، ئەڤ هولە دێ خزمەتا بو پتر ژ 28 هزار کەسا ل هەردوو کەمپا کەبەرتو 1_ 2 دێ کەت و هەروەسا دێ ئاسانکارى بو ئەوان دەیکێن دوو گیان کەت ژبو خزمەتا دایکبونێ و زاروکبونێ یا پێشکەڤتى ، ئەڤ بنگەهێ یێ هاتیە ئاڤاکرن ب شتەڤانیا راستەوخو  ژلایێ رێکخراوا (giz ) یا ئەلمانى دگەل ئاڤاهیێ بنگەهێ ساخلەمیێ و هەمى کەل و پەلێن پێدڤى دابینکرینە ، هەوەسا دهێتە برێڤەبرن ژ لایێ  رێکخراوا (UNFPA)  و رێکخراوا ) IMC ) دیڤچون و تەکنیکى ژلایێ رێڤەبەریا گشتى ساخلەمیا دهوکێ یە ، نوکە دەوام دێ تا 5 ئێڤارى بیت لێ دپلانا پاشەروژێ دێ بیتە 24 دەمژمێرى و هەروەسا ترومبێلەکا ئەمبلانس ژى یا لڤێرێ بو هەر حالەتەکا نەچاڤرێکرى بو ڤەگوهاستنا نەخوشى یان دەیکا دووگیان بو نەخوشخانا ژن و زاروکبوونێ ل دهوکێ .

دیتنەکێ بنڤێسە

لن يتم نشر عنوان بريدك الإلكتروني. الحقول الإلزامية مشار إليها بـ *