دۆرین ٢٦٠ ھزار زارۆیان دێ دژی نەخۆشیا فالنجا زارۆیان ھێنە ڤاکسیندان

رێڤەبەریا گشتیی ساخلەمیێ ل پارێزگەھا دھۆکێ دەست ب ھەوا ڤاکسیندانی دژی نەخۆشیا فالنجا زارۆیان کر و٧٠٠ تێمین ساخلەمیێ دێ مال ب مال گەرن دێ ھندەک تیم بنگەھێن ساخلەمیێ خوە جە ھەبن ھەتا پێنچ شەمبیا بھێت ھەوا ڤاکسیندانێ دێ یا بەردەوام بیت.
جەھوەر عەلی عزیز قائیمقامی قەزا دھۆکێ دیارکرکو ھەوا ڤاکسیندانی دێ زارۆیێن ئیک رۆژی ھەتا پێنچ سالیی ڤەگریت دی پتر ٢٦٠ ھزار دێ ڤێ ھەوا نشتیمانیی یا نەھێلانا فالنجا زارۆیان ھێنە ڤاکسیندان ئەم داخوازی ژ حوکمەتا عیراقی دکەن ئەرکی خوە رابیت بۆ دابینکرنا ھەموو پێدڤێن ساخلەمیێ بۆ سنۆری پارێزگەھا دھۆکێ چونکو مەزنترین رێژا ئاواران ل دھۆکێ ئاکنجیینە وبەردەوام پیدڤی خزمەتێن ساخلەمیێ دبن.
د. لوما حازم سەرپەرشتا هەوا ڤاکسیندانێ دیارکرکو دێ دۆرین ١٩٠ ھزار کیمتر ژ پینچ سالیی دێ پارێزگەھا دھۆکێ ھێنە ڤاکسیندان دێ ھەتا ٥ ھزار زارۆیێن ئاواران ژێ ھێنە ڤاکسیندان ژوانا ژێ دۆرین ٣٠ ھزار زارۆیان دناڤ کەمپێن ئاواران دانە یێ دیتر ژێ ل دەڤەرێن ژیکجۆدانە د ھەوا نەھیلانا فالنجا زارۆیان دا دێ تیمین ساخلەمیێ مال ب مال گەرن دی بنگەھێن ساخلەمیێ تیمین خوجە ھەبن.
د. لوما حازم گۆت ژی ١٠ ھزار زارۆیێن پەنابەرین رۆژئاڤایی یێن دھۆکێ ئاکنجیی دێ ھێنە ڤاکسیندان، رێکخراوین جیھانی و یونسیف پشتەڤانیی ل ھەوا ڤاکسیندانی دژی نەخۆشیا فالنجا زارۆیان دکەن ئەڤ ھەوا ڤاکسیندانی دێ بۆ ماوی پینچ رۆژان یا بەردەوام بیت و ٧٠٠ تیم بۆ ئەنجامدانا ھەوا ڤاکسیندانی یێن ھاتینە پیک ئینان.
د. بەختیار ئەحمەد رێڤەبەری کاروبارێن خوە پاراستنی رێڤەبەریا گشتیی ساخلەمیا دھۆکێ دیارکرکو بۆ پشت راستبوونی ژ پاراستنا زارۆکی ژ نەخۆشان ئەڤ ھەویێن ڤاکسیندانی دھێنە ئەنجامدان جھی داخی یە ھندەک زارۆک ھەنە بەری ١٠ ھەتا ١٥ سالان ڤاکسینا دژی نەخۆشیا بنگوھی نە وەرگرتینە لەورا ژی نوکە ئەڤ نەخۆشیا دناڤ قوتابخانێن دەڤەری دا پەێدابوویە ئەڤە ژ ئەگەری وی چەندی بویە دایک وبابێن وان زارۆیان بەری چەند سالان زارۆیێن خوە ڤاکسین نەداینە لەورا ژێ ب ریێا دەزگەھێن راگەھاندنی خەمخوری زارۆیێن خوە بن دووڤ خشتی ڤاکسینی بەردەوام ڤاکسین زارۆیێن خوە بدان نبۆ ھندی زارۆک پاراستی بیت ژ نەخۆشیان.
م