ساخلەمیێ پێنج تەنێن کەلوپەلێن خوارنێ یێن ئێکسپایەر ژناڤبرن

د بەردەوامیا دوڤچوونا تیمَن زێرەڤانییا ساخلەمیێ ل پارێزگەھا دھۆکێ بۆ نەھێلانا کەرستەیێن ئێکسپایەر ل جھێن گشتی، پێنج تەنێن کەلوپەلێن خوارن و ڤەخارنێ یێن ئێکسپایەر ژناڤبرن.
عسمەت سەلمان بەرپرسێ پشکا چاڤدێری و سەلامەتیا خوراکی ل رێڤەبەریا کاروبارێن خوپاراستنا ساخلەمیێ ل پارێزگەھا دھۆکێ دیارکر، ئەو کەرستەیە ژ ئالیێ تیمێن زێرەڤانیێ ڤە ھاتینە دەستەسەرکرن کو دبەردەوامییا دوڤچوونا سەرەدانێن وان دا ھاتینە دەستەسەرکرن و ھندەک ژ وان ژی خودانێن جھێن گشتی بخوە رادەست کرینە.
ناڤھاتی دوپاتکر ژی ھەر کەسەکێ سەرپێچیێ بکەت و کەرستەیێن ئێکسپایەر بفروشیت ل پەی رێنمایێن ساخلەمییا گشتیێ دھێنە سزادان چ ب پارە یان ژی گرتنا جھی یان ژی رەوانەکرن بۆ دادگەھێ.
بەرپرسێ پشکا چاڤدێری و سەلامەتیا خوراکی داخواز ژ وەلاتیان کر ھاریکاربن دگەل تیمێن وان ژ پێخەمەت ساخلەمیا گشتیا وەلاتیان.

دیتنەکێ بنڤێسە

لن يتم نشر عنوان بريدك الإلكتروني. الحقول الإلزامية مشار إليها بـ *