ھەوەکا پاقژکرنێ ل کەمپا بێرسڤێ٢ ھاتە ئەنجام دان

ژ پێخەمەت پاراستنا گیانێ ئاوارەیێن دناڤ کەمپان دا، ئەڤرۆ رێڤەبەریا کاروبارێن خوپاراستنا ساخلەمیێ ل پارێزگەھا دھۆکێ ب ھەفکاری دگەل بۆردا کاروبارێن مروڤایەتی و ب پشتەڤانیا رێکخراوا UNICEFھەوەکا پاقژکرنێ ل کەمپا بێرسڤێ٢ ئەنجام دا.
ئەحمەد قەدشی سەرپەرشتێ ھەوا ناڤھاتی دیارکر، د چارچووڤێ پرۆژەیێ رەوشەنبیریا ساخلەمیێ یێ کو چەند مەھە ل کەمپێن بێرسڤێ٢ و خانکێ دھێتە ئەنجام دا ھەر سێ مەھا ھەوەکا پاقژیێ ب پشکداریا تیمێن رەوشەنبیریا ساخلەمیێ و کارگێریا کەمپا و خوەبەخش و سازیێن دناڤ کەمپێ و ئاکنجیێن کەمپێ ب خوە دا ب رێڤە دچیت، ئارمانج ژی ئەوە پتر ئاوارەیێن سنۆرێ پارێزگەھا دھۆکێ ل سەر پاقژیێ و خوپارستنێ بھێنە ھشیارکرن.
ئاماژەکر ژی، نھا وەرزێ ھاڤینێ یە و پتر ترسا بەلاڤبوونا نەخۆشیان ھەیە، لەو دخوازین پتر خەلکێ مە یێ ھاریکاربیت و ب تایبەت دناڤ کەمپان دا بۆ ھندێ چ نەخۆشیێن مەترسیدار پەیدا نەبن و ب تایبەت نەخۆشیا کولێرایێ.
دوپاتکر ژی تا نھا چ حالەتێن گومانلێکری یێن نەخۆشیا کولێرایێ نەھاتینە تۆمارکرن، لێ ترسا بەلاڤبوونا وێ ھەیە ، لەو دڤێت خوە ب پارێزین