سهنتهرێ فێرکرنا نوژداری یا بهردەوام
ریێڤهبهریا گشتی یا ساخلهمیا پارێزگهها دهوكێ را بو ب ڤهكرنا سهنتهرێ فێركرنا پزیشكی یا بهردهوام ل كانوونا دووێ سالا 2005 ێ.
ناما سهنتهری: ئارمانجا سهنتهری ئهوه كو پشتهڤانیا ههمی پزیشكا و پزیشكێن ددانا و دهرمانسازا بكهت و ههروهسا ههمی خودان پیشهیێن ساخلهمی ژ لایێ زانستیڤه ژ بو بلندكرنا ئاستێ وان یێ كاری و پێزانینێن زانستیێن ساخلهمی ژ لایێ تیوری ڤه (الجانب النڤری) و پراكتیكی ڤه (الجانب العملی) ههر ئێكی د بوارێ كارێ وی دا ژ بو مهرهما فێراگههاندنا نووترین شیان و زانینێن جیهانی، دا خزمهتا بلندكرنا ئاستێ وان یێ كاری بكهت ژ بو مفاگههاندنا نهساخی و جڤاكی.
كاودانێ سهنتهری یێ نوكه: پروگرامێ سهنتهری ههموو پزیشك و پزیشكێن ددانا و دهرمانسازا ب خوڤه گرێداینه و هندهك پێنگاڤ هاتینه هاڤێتن ژ بو بهرفرههكرنا پروگرامی دا كو خودان پیشهیێن ساخلهمی ژی ب خوڤه بگریت چونكی ئهوژی پێویستی ب پێشئێخستنا زانستی و چارهسهركرنێ نه.
دا كو بزانین پروگرامێ سهنتهری بو پێشڤه دچیت، هندهك پێنگاڤێن گرنگ هاتینه هاڤێتن، وهكی دهسنیشانكرنا هژمار و جورێ چالاكیێن زانستی ئهوێن ژدهرڤه و د ناف بهشێ زانستی دا دهێنه ئهنجامدان بو ههمی بهشێن زانستی یێن نهخوشخانێن فێركرنێ و كولیژا پزیشكی، ههر بهشهك ل دویف جورێ كارێ وی، ههر وهسا دابهشكرنا چالاكییا یا ههیڤانه و ل دویف چوونا ئهنجامدانا چالاكییا ب رێكا راپورتێن ههیڤانه ئهوێن دهێنه بلندكرن بو سهنتهری و شروڤهكرنا ڤان راپورتا ژ بو دهرئێخستنا رێژا ئهنجامدانێ بو ههر چالاكییهكا داخازكری ول دوماهیێ ئهڤ ههمی چالاكییه دهێنه كومكرن د راپورتهكا سالانهدا و دهێته بلندكرن بو جهێن پهیوهندیدار، ههژی گوتنێ یه خالێن ههر پزیشكهكی دهێنه كومكرن و نڤێسین دڤێ راپورتێدا.
ژ بو ب ساناهیكرنا كارێ بهشێن گرێدای ب پروگرامی ڤه، فورمێن پێدڤی هاتینه دروستكرن ژ لایێ سهنتهری ڤه ژ بو پركرنا چالاكییا و دوكیومێنتكرنا وان ههروهسا یێن هاتینه دانان ل سهر كومپیوتهرێن ههمی بهشێن دگهل سهنتهری كار دكهن.
بو ههر بهشهكێ زانستی پزیشكهك هاتییه دهستنیشانكرن ژ بو سهرپهرشتیا كارێ دوكیومێنتكرنێ و ئێكسهر یێ گرێدایه ب رێڤهبهرێ زانستی یێ سهنتهری ڤه.
دگهل هندێ كو سهنتهرێ پزیشكی یێ بهردهوام هندهك سهركهفتیێن (متواچع) ئهنجامداینه د سێ سالێن بوری دا لێ نهو د هێته هژمارتن ئێكهمین سهنتهر ل سهر ئاستێ رێڤهبهریێن گشتی یێن ساخلهمیا یێن پارێزگههێن ههرێمێ كارێ خو ئهنجام ددهت ب شێوهكێ زانستی و رێك و پێك و لدویف پیڤهر و بنیاتێن سرهركی ل سهر ئاستێ عێراقێ.
ههژی یه بێژین سهنتهرێ پزیشكی چهندین سوپاسی و رێزلێنان ب دهستخوڤه ئیناینه ژ وهزارهتا ساخلهمیا عێراقا فیدیرال ڤه.
بەرپرسی پشکا فێرکرنا نوژداری یا بهردەوام :د.ئاري حبيب محمد
پوستێ ئهلیکترونی:CME@duhokhealth.org
هەڤپێج | الحجم |
---|---|
المحاضرات.odt | 5.18 كيلوبايت |