بودجهیهك بو نهخوشێن(دل, مێشك, خوین, پهنجهشێر) هاته تهرخانكرن
هاتیه بلاڤکرن روژا جارشهمبێ, 5 چریا دووى 2008 - 2:15pm
ب رازهمهندیا سهروكایهتیا جڤاتا وهزیرێن حكومهتا ههرێما كوردستانێ,بودجهیهكا تایبهت بو چارهسهریا نهخوشێن (دل,مێشك,خوین,پهنجهشێر) ل دهرڤهی وهلاتی هاته تهرخانكرن.
د.عهبدولا سهعید عهبدولا رێڤهبهرێ گشتی یێ ساخلهمیا پارێزگهها دهوكێ راگههاند كو كوژمێ ( 400,000) چوار سهد هزار دولاران ب شێوهیهكێ ههیڤانه بو ڤێ مهرهمێ هاتینه دابینكرن و ژوانا (75,000) حهفتێ و پێنچ هزار دولار ههیڤانه دێ بو رێڤهبهریا گشتی یا ساخلهمیا پارێزگهها دهوكێ بن, و ل دور چاوانیا گههاندنا وان و هاریكاریكرنێ دگهل نهخۆشان گوت: لیژنهیهكا تایبهتمهند یا پزیشكی ل سنورێ پارێزگههێ یا هاتیه پێكئینان و لیژنا ناڤبری دێ ههیڤانه كومبونهكێ ئهنجام دهت و ل رۆژێن (15) ژ ههموو ههیڤان راپورتهكا تایبهت بو ههر نهخوشیهكێ و چاوانیا چارهسهركرنا وان دێ هێته رهوانهكرن ب مهرهما وهرگرتنا چارهسهریێ ل دهرڤهی وهلاتی .بو زانین بو ههر نهخۆشهكی ب تنێ كوژمێ (3000) سێ هزار دولاران دێ هێنه مهزاختن.
حهمزه رهزیكی