لیژنا تهندروستی و كومهلایهتی ل پهرلهمانێ ههرێما كوردستانێ سهرهدانا پارێزگهها دهوكێ كرن
هاتیه بلاڤکرن روژا جارشهمبێ, 12 چریا دووى 2008 - 12:14pm
حهمزه رهزیكی
ژبو زانینا رهوشا خزمهتێن ساخلهمیێ و كاروبارێن جڤاكی ل پارێزگهها دهوكێ,شاندهكێ پهرلهمانتارێن ههرێما كوردستانێ ب سهرپهرشتیا (صبریه غهفار ئهمین) جێگرا سهروكا لیژنێ ل رۆژا سێ شهمبی 11/11/2008 و ل دهمژمێر ( 10) سپێدێ گههشته رێڤهبهریا گشتی یا ساخلهمیا پارێزگهها دهوكێ و ژ لایێ (د.عهبدو سهعید عهبدولا)رێڤهبهرێ گشتیێ ساخلهمیێ هاتنه پێشوازیكرن,درونشتنهكێدا گهنگهشه ل دور چاوانیا پێشكێشكرنا خزمهتێن ساخلهمیێ بو وهلاتیان و یاسایا بهرهنگاریا جگارهكێشانێ ئهوا ژلایێ پهرلهمانێ كوردستانێ هاتیه پهسندكرن و چاوانیا پاراستنا جگارنهكێشان ژ زیانێن جگارهیان,هاته كرن.
(د.عهبدولا سهعید عهبدولا) رێڤهبهرێ گشتیێ ساخلهمیا پارێزگهها دهوكێ راپورتهك ل دور خزمهتێن ساخلهمیێ ژلایێن ( خزمهتێن خوپاراستنێ و چارهسهریێ و ئاڤاكرن و نووژهنكرن و بهرفرههكرنا دهزگههێن ساخلهمیێ) پێشكێشی شاندێ ناڤبری كر.
ل دهمژمێر(11) سپێدێ شاندێ ناڤبری ژلایێ بهرێز ( تهمهر رهمهزان) پارێزگهرێ دهوكێ ڤه هاته پێشوازیكرن و هێژایێ پارێزگهر ئاریشهیێن گرێدای كهرتێ ساخلهمیێ و چاوانیا باشكرنا خزمهتێن ساخلهمیێ و پێدڤیا پارێزگههێ بو دامهزراندنا نوژدار و كارمهندێن ساخلهمیێ ل پارێزگههێ كر و خواست كو سهروبهرێ ساخلهمیێ ل بهرچاڤ بهێته وهرگرتن نهخاسمه پشتی گهلهك دام و دهزگایێن ساخلهمیێ سهر ب دهوكێ ڤه هاتینه ئاڤاكرن وهك نموونه ژی نهخوشخانا گولان یا گشتی ل قهزا ئاكرێ كو كار لێ ب دوماهی هاتیه و ل ژڤانێ ڤهكرنا پروژهی نه.
پاش شاندێ ناڤبری سهرهدانا نهخوشخانێن (تهنگاڤیان ,سوتنێ و نشتهرگهریا جوانكاریێ,هیڤی یا زاروكان ,نهخوشخانا ئازادی یا فێركرنێ ) ل دهوكێ كرن و ل سهروبهرێ نهخوشان و خزمهتێن ساخلهمیێ و سهرهدهریا نوژدار و كارمهندان پرسین. ل دوماهیێ شاندێ ناڤبری خوشحالیا خو ل ههمبهر پێشڤهچوونا رهوشا ساخلهمیێ ل دهڤهرێ و ئاڤاكرنا دهزگههێن نوی و تایبهتمهند ل دهڤهرێ دیاكر و ئهوژی خویاكر كو ههموو پێدڤیێن پارێزگههێ دوارێ ساخلهمیێ دا ب راپورتهكا تێروتهسهل پێشكێشی پهرلهمانێ كوردستانێ بكهن.