ئه‌نجامدانا چه‌ند نشته‌گه‌ریا ژ لایی پ د.غازی زێباری
هاتیه بلاڤکرن روژا ئێک شه‌مبێ, 30 چریا دووى 2008 - 9:13am
ل نه‌خوشخانا ئازادی یا فێركرنێ ل دهوكێ د.غازی زێباری ژ وه‌لاتێ ئه‌مریكا ب هاریكاریا چه‌ندین نوژدارێن تایبه‌تمه‌ند ل دهوكێ رابوون ب ئه‌نجامدانا چه‌ندین نشته‌گه‌ریێن چاندنا گولچیسكا.
ل روژا سیێ ژ سه‌ره‌داناخو پ.د.غازی زێباری ئامیره‌یه‌كێ نوو ب ناڤێ(Radio- frequeablation ) پشتی وه‌كو دیاری پێشكیشی نه‌خوشخانا ئازادی یا فێركرنی كری , ب كارئینا بو ژێڤه‌كرنا پارچه‌یه‌كا میلاكێ یا نه‌خوشه‌كا ژن .
پ.د.غازی زێباری دیار دكه‌ت : ئامیرێ ناڤبری بو ئیكه‌مین جار ل عیراقێ دهێته ب كارئینان و گه‌له‌ك سالوخه‌تێن باش تێدا هه‌نه وه‌ك نه‌خوش پێتڤی وه‌رگرتنا خوینێ نابیت و دیسان سه‌ربارك و ڤه‌كرتنا نه‌خوشێی ژی نابیت .
ودیداره‌کێدا د.عه‌بدولا سه‌عید عه‌بدولا رێڤه‌به‌رێ گشتی یی ساخله‌می یا پارێزگه‌ها دهوكێ سوپاسیا پروفیسور غازی زیباری كر و خواست كو نوژدارێن تایبه‌تمه‌ند مفای ژ ئامیری ناڤبری ببینن و بو نه‌خوشێن پێتڤی بێته ب كارئینان .
دهێته زانین كو پروفیسور زێباری ژ سالا 1992 ی وه‌ره سالانه جاره‌كێ یان پتر سه‌ره‌دانا پارێزگه‌ها دهوك و هولێرێ دكه‌ت و نشته‌گه‌ریان ئه‌نجامدده‌ت , ودیسان پروفیسور غازی زیباری ئیكه‌م كه‌س بو یه كو ب پشته‌ڤانیا وی ئه‌ف جوره نشته‌گه‌ریه هاتینه‌كرن , و بریاره ل مه‌ها نیسانا سالا 2009 ژی سه‌ره‌دانا دهوكێ بكه‌ت.
ئه‌ڤ مالپه‌ره فرێکه
