خزمهتێن ساخلهمیی یه ل دهڤهرێن سهرهب پارێزگهها نینوی ڤه
هاتیه بلاڤکرن روژا سێ شهمبێ, 23 کانونا بچیک 2008 - 8:38am
"ل ههر دهمهكێ پێدڤی هاریكاری دگهل قهزا و ناحیێن دهوروبهرێن باژێرێ مووسل, ژلایێ (ئهنجامدانا پروژهیان, ترومبێل , دهرمان و پێدڤیێن پزیشكی,ستافێ كاری و.....هتد) هاتیه كرن."
(د.عهبدولا سهعید عهبدولا) رێڤهبهرێ گشتیێ ساخلهمیا پارێزگهها دهوكێ راگههاند كو رێڤهبهریا ناڤبری (25) فهرمانبهر ل سهر میلاكێ رێڤهبهریا ساخلهمیا پارێزگهها دهوكێ ل دهڤهرا شنگالێ كاردكهن و ههیڤانه كوژمێ (10,000,000) ملیون دیناران بو ب رێڤهبرنا كاروبارێن كهرتێ شێخان تهرخانكرینه و زێدهباری ڤان پروژهیان چهندین پروژهیێن ئهندازهی ژی بجهئیناینه ژوان ژی (ئاڤاكرنا بنگهههكێ ساخلهمیێ بناڤێ ئازادی ل دهڤهرا دومیز و ڤهكرنا بنگهههكێ ساخلهمیێ ل دهڤهرا ئێسفنێ كو خزمهتا كهس و كارێن شههیدان بكهت بناڤێ بنگههێ ساخلهمیێ شههیدێن ركاڤا و دیسا ڤهكرنا سهنتهرهكێ ههوارهاتنا دهستپێكێ ل دوشیڤان قهزا شێخان) بو خزمهتكرنا كهسانێن تووشی روودانان دبن.
د.عهبدولا سهعید ئهوژی راگههاند كو شیاینه (3) ترومبێلین ئیسعاف پێشكێشی دهڤهرێن( نهخوشخانا ئێسفنێ و ناحیا سنونێ و كومهلگهها مهههتێ )بكهن و ترومبێلهكا لاندكروز ژی بو خزمهتكرنا كهرتێ شێخان هاتیه تهرخانكرن.
ساخلهمیا دهوكێ ئهڤ دهڤهره ژ ئامیرێن پزیشكی ژی بێ بههر نهكرینه و دڤی بیاڤی داژی شیاینه ئامیرهیهكێ ددانان ب ههموو پێدڤی ڤه پێشكێشی بنگههێ (مهههتێ) یێ ساخلهمیێ بكهن و ئامیرهكێ سونارێ بو ناحیا زومار و تیمێن گهروكێن ساخلهمیێ سهر ب رێڤهبهریا گشتی یا ساخلهمیا پارێزگهها دهوكێ ژی ل دووڤ خشتهیهكێ تایبهت سهرادانا گوند و كومهلگههێن دووری خزمهتێن ساخلهمیێ دكهن ژبو چارهسهریا نهخوشێن وان.
رێڤهبهرێ گشتیێ ساخلهمیا پارێزگهها دهوكێ ئهوژی دیاركر كو دهرگههێن ههموو دهزگههێن ساخلهمیێ ل دهوك و زاخو د ڤهكرینه بو پێشوازیكرنا نهخوشان ب تایبهت ددهمێ پهقین و روودانان دا و د ڤی بیاڤی دا چهندین نشتهرگهری هاتینه كرن و نیڤهك خزمهتێن ساخلهمیا دهوكێ بو ڤان دهڤهران هاتینه تهرخانكرن و سهرهدهری دگهل نهخوشێن وان وهكو نهخوشێن دناڤ پارێزگههێ دا دهێته پێشكێشكرن.
(د.عهبدولا)ی ئهگهرێن سهرهدهریا ب ڤی رهنگی ژی ڤهگهراندن كو ژبهركو خهلكێن وان دهڤهران ژی كوردن و ههموو مافێن وان دێ ل بهر چاڤ هێنه وهرگرتن و ژبو خزمهتێن ساخلهمیێ ژی وهزارهتا دارایی یا حكومهتا ههرێما كوردستانێ دگهل كارگێریا پارێزگهها دهوكێ چ كهمتر خهمی نهكریه و ههردهمێ مه داخواز ژێ كری ب سینگهكێ بهرفرهه پێدڤی بو ڤان دهڤهرا یێن دابینكرین.
حهمزه رهزیكی