ڤهكرنا بنگههێ ساخلهمیا شههیدێن ركاڤا ل دهڤهرا شێخان
هاتیه بلاڤکرن روژا جارشهمبێ, 24 کانونا بچیک 2008 - 1:39pm
ب پشتهڤانیا وهزارهتێن تهندروستی و دارایی یێن حكومهتا ههرێما كوردستانێ,رێڤهبهریا گشتی یا ساخلهمیا پارێزگهها دهوكێ ل رۆژا 23/12/ 2008رابو ب ڤهكرنا بنگههێ ساخلهمیا شههیدێن ركاڤا ل قهوزا شێخان.
(د.عهبدولا سهعید عهبدولا) رێڤهبهرێ گشتیێ ساخلهمیا پارێزگهها دهوكێ دیاركر كو (38) ملیون دینار هاتینه مهزاختن ههتا ئهڤ بنگههه كهفتیه كاری و رۆژانه دێ خزمهتێن ساخلهمیێ بێ بهرامبهر پێشكێشی خێزانێن سهربلندێن شههیدان كهت و گوت( ئهڤه پێنگاڤهكا كێمه ژلایێ مه هاتیه هاڤێتن بو خزمهتكرنا ڤان خێزانان).
ژلایێ خوڤه (فهریق فاروق) بهرپرسێ لقێ (20) یێ پارتی دیموكراتی كوردستان ل دهڤهرا شێخان دیاركر كو ل سنورێ لقا ناڤبری (780) شههید ههنه و خێزانێن ههموویان دێ مفای ژ خزمهتێن ڤی بنگههی كهن.
بهرپرسا نڤیسنگهها شههیدان سهر ب لقێ (20) یێ پارتی ڤه (خهوله خالد شلی) ئهگهرێن ب ناڤكرنا بنگههێ ناڤبری ب ناڤێ شههیدێن ركاڤا ڤهگهراندن بو وێ داستانا دیروكی یا رێكخراوا شههید ( مهحمود ئێزدی) ل گوندێ ركاڤا ئهنجامدای ل رۆژا 23/5/1983ێ كو بهرسینگ گرتنا هێرشهكا رژێمێ كرن و د ئهنجامدا (8) پێشمهرگهیێن قارهمان شههید بوون و (18) بریندار بوون و پلانا رژێمێ ژناڤبرن.
دهێته زانین كو رێڤهبهریا گشتی یا ساخلهمیا پارێزگهها دهوكێ ب پشتهڤانیا حكومهتا ههرێما كوردستانێ و كارگێریا پارێزگهها دهوكێ ل سالا 2003ێ وهره كومهكا پروژهیان بو دهڤهرا ناڤبری ئهنجام داینه.
حهمزه رهزیكی ![](http://duhokhealth.org/archive/files/images/resized_DSC04923.thumbnail.jpg)
![](http://duhokhealth.org/archive/files/images/resized_DSC04923.thumbnail.jpg)
![](http://duhokhealth.org/archive/files/images/resized_DSC04918.thumbnail.jpg)