رێڤه‌به‌ریا گشتی یا ساخله‌میا پارێزگه‌ها دهوكێ دێ كونفرانسێ خو یێ (5)ێ گێریت
هاتیه بلاڤکرن روژا جارشه‌مبێ, 31 کانونا بچیک 2008 - 12:41pm
ژ پێخه‌مه‌ت پێداچوونا كار و چالاكیێن رێڤه‌به‌ریا گشتی یا ساخله‌میا پارێزگه‌ها دهوكێ ل سالا 2008 و ل ژێر درۆشمێ (پێشڤه‌برنا ئاستێ ساخله‌میێ ئه‌ركێ مه‌یه).ب چاڤدێریا به‌رێز ( ته‌مه‌ر ره‌مه‌زان) پارێزگه‌رێ دهوكێ ل رۆژا شه‌مبی رێكه‌فتی (24/1/2009) و ل ده‌مژمێر (9)ێ سپێدێ ,رێڤه‌به‌ریا گشتی ساخله‌میا پارێزگه‌ها دهوكێ دێ ده‌ست ب گێرانا كونفرانسێ خو یێ (5)یێ سالانه ل هولا رێڤه‌به‌ریا گشتی كه‌ت.
چالاكیێن كونفرانسی پێك دهێن ژ چه‌ند په‌یڤ و سێ(3) په‌نه‌لێن جودا جودا
1- چالاكیێن پشكا خوپاراستنێ ژلایێ ( چاڤدێریا دایك و زاروكان و كونترولكرنا نه‌خوشیێن ڤه‌گر و زێره‌ڤانیا ساخله‌میێ ل پارێزگه‌هێ و ساخله‌میا قوتابخانا).
2- په‌نه‌لێ دوێ : خزمه‌تێن چاره‌سه‌ریێ ل نه‌خوشخانا و خزمه‌تێن ته‌نگاڤیان ل پێش نه‌خوشخانێ و تاقیگه‌ه و ساخله‌میا ددانا و ده‌رمان و پێدڤیێن پزیشكی و نه‌خوشخانه‌یێن گه‌روك دێ هێنه گه‌نگه‌شه‌كرن.
2- په‌نه‌لێ سیێ ژ كونفرانسی دێ ل دور گرنگیا ئامارا ل ده‌زگه‌هێن ساخله‌میێ و پلانا ستراتیژی یا رێڤه‌به‌ریا گشتی یا ساخله‌میا دهوكێ بو پێنچ سالێن داهاتی و نووترین ڤه‌كولینێن زانسی و پزیشكی و رۆلێ راگه‌هاندن و ره‌وشه‌نبریا ساخله‌میێ دجڤاكێ مه‌دا و پێدڤی و پلانا سالا 2009ێ بیت.
دیسا د كونفرانسی دا پرسیار و پێشنیار و بوچوونێن ئاماده‌بویان ل دور كارێ رێڤه‌به‌ریا ناڤبری وه‌رگرن و دان و ستاندن دێ ل سه‌ر هێنه كرن .
ب خه‌لاتكرنا چه‌ند نوژدار و ستافێ ده‌زگایێن ساخله‌میێ دێ دووماهی ب كونفرانسی هێته دان.بو زانین كو هه‌ر ژ سالا 2004ێ وه‌ره رێڤه‌به‌ریا گشتی یا ساخله‌میا پارێزگه‌ها دهوكێ ب گێرانا كونفرانسێ خو یێ سالانه رادبیت.
حه‌مزه ره‌زیكی
ئه‌ڤ مالپه‌ره فرێکه
