وورك شوپه‌ك ل دور (ئایین و ده‌رون) هاته‌ ئه‌نجامدان

ل سه‌نته‌رێ‌ ساخله‌میا ده‌رونی سه‌ر ب رێڤه‌به‌ریا گشتی یا ساخله‌میا پارێزگه‌ها دهوكێ‌ ڤه‌ و بپشته‌ڤانیا رێكخراوا (IRD),ل رۆژا 26/1/2009 وورك شوپه‌ك بو نوژدارێن بسپورێن ده‌رونی و زانایێن ئایینی ژ (موسلمان و مه‌سیحی و ئێزدیان) هاته‌ گێران . د وورك شوپێ‌ دا بابه‌تێن( رۆلێ‌ خێزانێ‌ د گه‌شه‌پێدانا بوارێ‌ ده‌رونی و كومه‌لاتیێ‌ زاروكان و رۆلێ‌ ئایینی د نه‌خوشیێن ده‌رونی دا و په‌یوه‌ندیا ئایینی ب نه‌خوشیێن ده‌رونی) هاتنه‌ گه‌نگه‌شه‌كرن. د.نزار عسمه‌ت,به‌رپرسێ‌ سه‌نته‌رێ‌ ساخله‌میا ده‌رونی دیاركر كو ساخله‌میا درونی گرێدان ب هه‌موو ته‌وه‌رێن ژیانێ‌ ڤه‌ هه‌یه‌ و نه‌خاسمه‌ داب و نه‌ریت و ئایین و چه‌ندین جاران تێگه‌هێن خه‌له‌ت بو ساخله‌میا ده‌رونی هاتینه‌ و هه‌ر ئه‌ڤه‌ژی بویه‌ ئه‌گه‌ر چاره‌سه‌ری ب رێكێن خه‌له‌ت بهێته‌ كرن. به‌رپرسێ‌ سه‌نته‌رێ‌ ساخله‌میا ده‌رونی ڤه‌كرنا ڤان جوره‌ وورك شوپان ب رێیه‌كا رێگرتنێ‌ ل چاره‌سه‌ریا نه‌دروست دبینیت ب تایبه‌ت ژلایێ‌ كه‌سانێن نه‌شاره‌زا. حه‌مزه‌ ره‌زیكی