رێڤه‌به‌رێ‌ گشتی یێ‌ ساخله‌میا دهوكێ‌ دگه‌ل ده‌سته‌كا بالا یا كومه‌لا تالاسیمیا ل هه‌رێما كوردستانێ‌ كومبوو

ژبو گه‌نگه‌شه‌كرنا ره‌وشا نه‌خوشێن تالاسیمیا ل پارێزگه‌ها دهوكێ‌,ئه‌ڤرۆ سپێدێ‌ د.عه‌بدولا سه‌عید عه‌بدولا رێڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌ پێشوازی ل ده‌سته‌كا بالا و لقی دهوك یێن كومه‌لا تاسیمیا كوردستان كرن, د كومبونێدا كاودانێن نه‌خوشێن تالاسیمیا و خزمه‌تێن ل ده‌زگایێن ساخله‌میێ‌ بو دهێنه‌ پێشكێشكرن دبیاڤێ‌ چاره‌سه‌ریێ‌ دا و هاریكاریێن ڤێ‌ دووماهیێ‌ یێن حكومه‌تا هه‌رێما كوردستانێ‌ و پێدانا مووچه‌یه‌كێ‌ هه‌یڤانه‌ بو نه‌خوشێن تالاسیمیا هاتنه‌ گه‌نگه‌شه‌كرن. د لایه‌كێ‌ دی یێ‌ كومبونێ‌ دا و ژبه‌ر زێده‌ هه‌بوونا نه‌خوشێن تالاسیمیا ل قه‌زا ئاكرێ‌ و ده‌وروبه‌رێن وێ‌ كومه‌لا تالاسیمیا خواست تایه‌كێ‌ كومه‌لێ‌ ل قه‌زا ئاكرێ‌ ژی بهێته‌ ڤه‌كرن وه‌كو ئاسانكاری بو نه‌خوشێن ده‌ڤه‌رێ‌ كو ل ده‌مێن پێدڤی قه‌ستا ناڤه‌ندا پارێزگه‌هێ‌ نه‌كه‌ن. ل دووماهیێ‌ هه‌ردو لایان رێكێن چاره‌سه‌ریا ئاریشه‌یێن نه‌خوشان ب دارێتنا پلانه‌كێ‌ كومبوون ب دووماهی ئینا.