گێرانا چه‌ند سمینارێن ره‌وشه‌نبیریا ساخله‌میا ڤاكسینا سوركا تێكه‌ل

ژ پێخه‌مه‌ت به‌لافكرنا شیره‌تێن ساخله‌میێ‌ و نه‌خاسمه‌ ل دور هه‌وا ڤاكسیندانا دژی ئێشا سوركا ,ل روژا دووشه‌مبی رێكه‌فتی 23/2/2009 ل هولا پشكا خوپاراستنێ‌ سمیناره‌ك لدور گرنگیا ئه‌ڤێ‌ هه‌وێ‌ ژ لایێ‌ نوژدار (د. لوما حازم و د. بێریڤان ئامێدی) ڤه‌ هاته‌ گێران بو رێڤه‌به‌رێن قوتابخانێن بنه‌ره‌تی و باخچا و تێدا چه‌ندین رونكرن به‌ردانه‌ سه‌ر ڤێ‌ نه‌خوشیێ‌ و مفایێن ڤاكسیندانا ئێشا سوركا تێكه‌ل و دیاركر كو سالانه‌ نێزیكی ئێك ملیون زاروك ل جیهانێ‌ گیانێ‌ خو ژ ده‌ست دده‌ن ژ به‌ر ڤێ‌ نه‌خوشیێ‌ , ژلایه‌كێ‌ دی داخوازكر كو هه‌می د هاریكاربن بو ڤێ‌ هه‌وێ‌ ئه‌وا زاروكێن باخچا و یێن قوناغا ئێكێ‌ بنه‌ره‌تی بخوڤه‌ دگریت كو دێ‌ ل روژا 25ی ڤێ‌ هه‌یڤێ‌ ده‌ست پێكه‌ت و بو ماوێ‌ ( 7 ) روژان یا به‌رده‌وام بیت . دیسان هه‌ر ل هه‌مان روژ ل ئه‌نجوومه‌نێ‌ قه‌زا دهوكێ‌ یێ‌ ئێكه‌تیا ئافره‌تێن كوردستانێ‌ دوو سمینارێن جودا جودا هاتنه‌ گێران بو ژماره‌كا ئافره‌تێن سنورێ‌ ئه‌نجوومه‌نێ‌ قه‌زایێ‌ , و تێدا ( د. له‌یلا و د. هنا‌و و د. لوما و د. بێریڤان ئامێدی ) كو هه‌ر ئێكی ژ لایێ‌ خوڤه‌ به‌حسێ‌ چاوانیا خوپاراستنا ساخله‌میێ‌ ب گشتێ‌ و نه‌خاسمه‌ نه‌خوشیا ئێشا سوركا و گرنگیا هه‌وا ڤاسیندانێ‌ بو زاروكی , و ل دوماهیێ‌ ژی ده‌رگه‌هێ‌ دان و ستاندنێ‌ بو ئاماده‌بوویان هاته‌ ڤه‌كرن . راگه‌هاندنا پشكا خوپاراستنێ‌ 23/2/2009