رێڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌ سه‌رادانا چه‌ند پروژه‌یان كر

ب مه‌ره‌ما ژ نێزیك دیتنا پروژه‌یێن ساخله‌میێ‌ ئه‌وێن ژلایێ‌ رێڤه‌به‌ریا گشتی یا ساخله‌میا پارێزگه‌ها دهوكێ‌ ب پشته‌ڤانیا حكومه‌تا هه‌رێما كوردستانێ‌ دهێنه‌ ب جهئینان,ئه‌ڤرۆ 18/3/2009 د.عه‌بدوللا سه‌عید عه‌بدوللا رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ ب هه‌ڤالینیا شانده‌كێ‌ ئه‌ندازیاری سه‌ره‌دانا ڤان پروژه‌یێن ل خوارێ‌ دیاركری كر: 1- بنگه‌هێ‌ بارزان یێ‌ ساخله‌میێ‌ كو نوكه‌ كار تێدا دهێته‌ كرن بو نووژه‌نكرن و به‌رفره‌هكرنێ‌ كو هوله‌كا زاروكبوونێ‌ دگه‌ل دو ژورێن تایبه‌ت بو نوژدارێن ژنان و ژوره‌ك بو چاڤدێریا ژنان پشتی زاروكبوونێ‌ ب كوژمێ‌ (17,808,000) ملیون دیناران. 2-پرۆژێ‌ ئاڤاكرنا ئومبارێن سه‌ره‌كی یێن ئامیرێن پزیشكی و خه‌ده‌می و وه‌رشا ته‌كنیكی كو ب كوژمێ‌ (2,096,039,000) ملیار دیناران دهێنه‌ ئاڤاكرن. 3- بنگه‌هێ‌ ساخله‌میێ‌ پێشكه‌فتی ل ناحیا زاویته‌ كو ب كوژمێ‌ (915,666,500,000) ملیون دیناران دهێته‌ ئاڤاكرن. 4- پروژێ‌ ئاڤاكرنا بنگه‌هێ‌ خه‌بات یێ‌ ساخله‌میێ‌ ل به‌رامبه‌ر نه‌خوشخانا ته‌نگاڤیان ل دهوكێ‌ كو خزمه‌تێن ساخله‌میا ده‌سپێكی و خوپاراستنێ‌ و زێده‌باری هه‌بوونا پشكێن تاقیگه‌ه و تیشكێ‌ دێ‌ دناڤدا هه‌بن و ب كوژمێ‌ ( 1,093,745,500) ملیار دیناران دهێته‌ ئاڤاكرن و د قوناغێن دووماهیێ‌ دایه‌. حه‌مزه‌ ره‌زیكی