شاندهكێ نوژداران ژ وهلاتێ ئهمریكا گههشته پارێزگهها دهوكێ
ل دهمژمێر 9ێ سپێدههیا رۆژا 11/4/2009 شاندێ نوژداری یێ وهلاتێ ئهمریكا گههشته نهخوشخانا ئازادی یا فێركرنێ ل پارێزگهها دهوكێ.
شاندێ نوژداری كو ب سهروكاتیا پروفیسور(د.غازی زێباری) یه و پێكهاتیه ژ چهند
نوژدارێن تایبهتمهندێن (نشتهرگهریا جوانكاریێ,چاڤان,روودان و نشتهرگهریا گشتی) ب بهرههڤبوونا (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ و (د.فهرهاد خورشید) راگرێ كولیژا پزیشكی ل دهوكێ و ههموو رێڤهبهرێن نهخوشخانهیان ل دهوكێ و چهند نوژدارێن تایبهتمهند كومبوونهكا ههڤناسینێ سازكر.
ددووڤدا ئهندامێن شاندی سهرهدانا چهند پشكێن نهخوشخانهیا ئازادی كر و هاته دابهشكرن كو ههر ئێك ل دووڤ تایبهتمهندیا خو ل دهزگههێن ساخلهمیێ كاربكهت.
ههر ل رۆژا ئێكێ یا گههشتنا شاندی دهست ب ئهنجامدانا چهند نشتهرگهریان هاته كرن و بریار ئهوه دوارێ فێركاریێ دا ژی چهند خول بهێنه ڤهكرن.
پروفیسور (د.غازی زێباری) مهرهمێن هاتنا ڤی شاندی بو ههرێما كوردستانێ دیاركرن كو ژبو خزمهت وهلاتیان هاتینه و بێ بهرامبهر د چهند رۆژان دا دێ خزمهتا نهخوشان دوارێن تایبهتمهندیێن خودا كهن و پاشی دێ قهستا پارێزگههێن ههولێر و سلێمانیێ كهن بو ههمان مهبهست.
د.عهبدوللا سهعید عهبدوللا ئهو چهند دیاركر كو شاندێ ناڤبری ژبلی خزمهتكرنا نهخوشان چهند ئامیره و كهل و پهلێن پزیشكی ژی دگهل خو ئیناینه و وهكو دیاری دێ پێشكێشی دهزگههێن ساخلهمیێ ل پارێزگهها دهوكێ كهت.
حهمزه رهزیكی