ب چاڤدێریا پارێزگهرێ دهوكێ چهندین پروژهیێن ساخلهمیێ و پهروهدێ ل دهوكێ هاتنه ڤهكرن و دانان
هاتیه بلاڤکرن روژا دوو شهمبێ, 30 ئادار 2009 - 1:53pm
ل دهمژێر (9)ێ سپێدههیا رۆژا 30/3/2009 و ب چاڤدێریا (تهمهر رهمهزان) پارێزگارێ دهوكێ و (د.عهبدولا سهعید عهبدولا) رێڤهبهرێ گشتیێ ساخلهمیا پارێزگهها دهوكێ و (وارتكێس موسیس) رێڤهبهرێ گشتیێ پهروهردا دهوكێ و سهروكێ باژێرڤانیا دهوك و ژمارهكا رێڤهبهرێن رێڤهبهریێن پارێزگهها دهوكێ دهست ب دانانا بهرێ بنیاتی بو (4) پروژهیێن پهروهردێ و ( 3) پروژهیێن ساخلهمیێ دگهل ڤهكرنا ئاڤاهیێن (4) پروژهیێن ساخلهمیێ و دابینكرنا موهلیدهكێ ( 2 میگا) بو نهخوشخانا ئازادی ب كوژمێ( 14,451,637,000)هاته كرن و بڤی رهنگێ ل خوارێ دیاركری:
د پهیڤهكێدا پارێزگهرێ دهوكێ دیاركر كو ب دووماهی هاتنا هندهك پروژهیان و دهست ب ئاڤاكرنا چهند پروژهیێن دی نیشانا بهردهوامیا ئاڤهدانكنێ ل پارێزگههێ دكهت و گوت: ب ئهنجامدانا ڤان پروژهیان گهلهك كێشهیێن خهلكی یێن پهیوهندیدار ب ساخلهمی و پهروهردێ ڤه دێ چارهبن.
ههروهسا (د.عهبدولا سهعید عهبدولا) رێڤهبهرێ گشتیێ ساخلهمیا پارێزگهها دهوكێ خوشحالیا خو ههمبهر ئهنجامدانا ڤان پروژهیان دیاركر و خویاكر كو چهند پروژهیێن دی ل دهوروبهرێن دهوكێ ژی ب دووماهی هاتینه و ل ڤان نێزیكان دێ هێنه ڤهكرن.
حهمزه رهزیكی