بهرێ بنیاتی بو ئومبارێن ئامیرێن پزیشكی هاته دانان
هاتیه بلاڤکرن روژا دوو شهمبێ, 6 نيسان 2009 - 2:12pm
بهرێ بنیاتی بو ئومبارێن ئامیرێن پزیشكی هاته دانان
بنگههێ ساخلهمیێ ل گوندێ ئێتیتێ هاته ڤهكرن
ب چاڤدێریا (ماجد سهید صالح) قایمقامێ قهزا دهوك و ب ئامادهبوونا (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ,ئهڤرۆ 5/4/2009 و ل دهمژمێر 10ێ سپێدێ بهرێ بنیاتی بو ئومبارێن ئامیرێن نوژداری و خزمهتگوزاری و وهرشا تهكنیكی ل دهوكێ ب كوژمێ ( 2,096,039,500) ملیار دینارێن عیراقی ژ تهمویلا حكومهتا ههرێما كوردستانێ هاته دانان.
ددووڤدا بنگههێ ساخلهمیێ ل گوندێ ئێتیتێ ب كوژمێ (213,000,000) ملیون دینارێن عیراقێ كو ب ههڤكاری دگهل رێكخراوێن یونسێف و PWJ یا ژاپوونی هاتیه ئاڤاكرن.
د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ دیاركر كو ب ئاڤاكرنا ئومبارێن ئامیرێن پزیشكی ل پارێزگهها دهوكێ دێ بیته دهرگهههك بو رێكخستنا ڤان ئامیرهیان و ب سانههی سهخبێكرنا وان ددهمێن پێدڤی دا.
دهربارهی بنگههێ ساخلهمیێ ل گوندێ ئێتیتێ ژی د.عهبدوللای ئیشارهت ب وێ چهندێ دا كو بنگههێ ناڤبری دێ خزمهتێن ساخلهمیێ پێشكێشی دورێن (2000) ئاكنجیێن گوندی كهت و ئهڤه دێ بیته هاندهرهك كو خهلكێ گوندێ ناڤبری بشێن ب سانههی خزمهتێن ساخلهمیێ دوارێن چارهسهری و خوپاراستنێ دا ب دهست خو بینن.
حهمزه رهزیكی