شانده‌كێ رێكخراوا ساخله‌میا جیهانی سه‌ره‌دانا رێڤه‌به‌ریا گشتی یا ساخله‌میا پارێزگه‌ها دهوكێ
هاتیه بلاڤکرن روژا جارشه‌مبێ, 8 نيسان 2009 - 8:22am
ئه‌ڤرۆ 7/4/2009 ب مه‌ره‌ما زانینا ئاستێ ساخله‌میێ ل پارێزگه‌ها دهوكێ,شانده‌ك ژ رێكخراوا ساخله‌میا جیهانی ب سه‌روكاتیا (ئه‌ندازیار محه‌مه‌د حه‌ماشه) به‌رپرسێ نڤیسینگه‌ها رێكخراوا ناڤبری ل هه‌رێما كوردستانێ سه‌ره‌دانا رێڤه‌به‌ریا گشتی یا ساخله‌میا پارێزگه‌ها دهوكێ كر و ژلایێ (د.عه‌بدوللا سه‌عید عه‌بدوللا) رێڤه‌به‌رێ گشتیێ ساخله‌میا پارێزگه‌ها دهوكێ هاتنه پێشوازیكرن,د روونشتنه‌كێدا شاندێ مێڤان گوهداریا چالاكیێن ساخله‌میا دهوكێ و خزمه‌تێن وێ كر ب مه‌هانا زانینا ره‌وشا ساخله‌میێ ل ده‌ڤه‌رێ و نووكرنا په‌یوه‌ندیان و هه‌ماهنگی بو كاركرنێ ل پاشه‌رۆژێ.
دلایه‌كێ دی یێ رونشتنێدا هه‌وا ڤاكسیندانا سوركا تێكه‌ل ئه‌وا ژلایێ رێڤه‌به‌ریا گشتی یا ساخله‌میا پارێزگه‌ها دهوكێ هاتیه ئه‌نجامدان كر و رێكخراوا ساخله‌میا جیهانی پشته‌ڤانیا خو بو پروگرامێن رێڤه‌به‌ریا ناڤبری دیاركر.
حه‌مزه ره‌زیكی
ئه‌ڤ مالپه‌ره فرێکه
