تیمه‌كێ‌ نوژدارێن وه‌لاتێ‌ ئیتالیا دێ‌ گه‌هیته‌ پارێزگه‌ها دهوكێ‌

ل دویڤ داخوازیا رێڤه‌به‌ریا گشتی یا ساخله‌میا پارێزگه‌ها دهوكێ‌ و ب هه‌ڤكاری دگه‌ل رێكخراوا هیڤی نازدار و ل رۆژێن 2-7/5/2009 شانده‌كێ‌ نوژدارێن وه‌لاتێ‌ ئیتالیا سه‌ر ب رێكخراوێن (Medchild و SIA)گه‌هشته‌ پارێزگه‌ها دهوكێ‌ ژبو ئه‌نجامدانا كریارێن قه‌سته‌را دلی بو (30) زارۆكان. شاندێ‌ نوژداران ل نه‌خوشخانا دلی یا باژێرێ‌ ماسا كرارا یێ‌ ئیتالی كاردكه‌ن و پێكهاتیه‌ ژ( د. سادرا جوستی, د.سابینا ریكیلا, د. یولی پێنتو , د.ژیان عه‌لی عه‌زیز). شاندێ‌ ناڤبری دێ‌ بو ده‌مێ‌ 6 رۆژان ل پارێزگه‌ها دهوكێ‌ مینیت و ل سه‌نته‌رێ‌ دهوك یێ‌ دلی دناڤ ئاڤاهیێ‌ نه‌خوشخانا ئازادی یا فێركرنێ‌ دا یێ‌ كارێ‌ خو ئه‌نجام دده‌ن. د.عه‌بدوللا سه‌عید عه‌بدوللا رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ دیاركر كو كریارێن نشته‌رگه‌ری بو وان زاروكانه‌ ئه‌وێن به‌ری نوكه‌ ژلایێ‌ تیمه‌كێ‌ نوژداریێ‌ تایبه‌تمه‌ند هاتینه‌ ده‌ستنیشانكرن و گوت: ئه‌ڤه‌ ژسالا 2006ێ‌ وه‌ره‌ ئه‌و شیاینه‌ (453) زاروكان ب هه‌ڤكاریا ربێكخراوا هیڤی نازدار دوارێن ( نه‌خوشیێن دلی یێن زكماكی و میزه‌رۆ و كوما ده‌ماران و لوكیمیا و تالاسیمیا بهنێرنه‌ وه‌لاتێ‌ ئیتالیا ژبو چاره‌سه‌ریێ‌.