وورك شووپه‌ك ل دور گونجانا هه‌ڤشانه‌یێ‌ هاته‌ ڤه‌كرن

رێڤه‌به‌ریا گشتی یا ساخله‌میا پارێزگه‌ها دهوكێ‌ ب هه‌ڤكاریا سه‌نته‌رێ‌ ڤه‌كولینێن زانستی ل زانكویا دهوكێ‌ و ب سه‌رپه‌رشتیا سه‌نته‌رێ‌ ساخله‌میا (BAG) یێ‌ ئه‌لمانی,ل رۆژا 28/4/2009 رابوون ب ڤه‌كرنا وورك شووپه‌كێ‌ ل دور ( HLI-Typing & HYPLEX) یان ( گونجانا هه‌ڤشانه‌یێ‌) ل تاقیگه‌هێن سه‌نته‌رێ‌ ڤه‌كولینێن زانستی سه‌ر ب زانكویا دهوكێ‌ ڤه‌. د وورك شووپێ‌ دا چه‌ندین تایبه‌تمه‌ندێن تاقیگه‌هێ‌ ل باژێرێن (دهوك و هه‌ولێر و سلێمانیی) تێدا پشكدارن و بو ده‌مێ‌ دو راۆژان ده‌كێشیت. (د.عه‌بدوللا سه‌عید عه‌بدوللا) رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ دیاركر كو مه‌ره‌م ژڤێ‌ وورك شووپێ‌ پتر زانینا رێكێن نوو یێن زانستی یه‌ سه‌باره‌ت شێوازێن پشكنینا گونجانا هه‌ڤشانه‌یان و مفا دێ‌ ژێ‌ هێته‌ وه‌رگرتن بو كریارێن چاندنا ئه‌ندامێن له‌شێ‌ مرۆڤی كو نوكه‌ هنده‌ك ژوان كریاران ل پارێزگه‌ها دهوكێ‌ ژی دهێته‌ ئه‌نجامدان. حه‌مزه‌ ره‌زیكی