پاركا راوه‌ستانا ترومبێلا ژ لایێ‌ رێڤه‌به‌ریا گشتی یا ساخله‌میا پارێزگه‌ها دهوكێ‌

( پاركا راوه‌ستانا ترومبێلا ژ لایێ‌ رێڤه‌به‌ریا گشتی یا ساخله‌میا پارێزگه‌ها دهوكێ‌ ب هه‌ڤكاری دگه‌ل سه‌روكاتیا باژێرڤانیا دهوكێ‌ یا هاتیه‌ ته‌رخانكرن بو راوه‌ستانا ترومبێلێن خه‌لكێ‌ مه‌ بێ‌ به‌رامبه‌ر هه‌ر ژ رۆژا 15/5/2009 ) د.عبدالله سه‌عید عبدالله رێڤه‌به‌رێ‌ گشتی یا ساخله‌میا دهوكێ‌ ژ به‌ركو قه‌ره‌بالغه‌كا ئیك جار زور یا چێبوی یا راوستاندنا ترومبێلان ل ده‌وروبه‌رێن نه‌خوشخانا ئازادی یا فێركرنێ‌ و هیڤی یا زاروكان و هه‌بونا پاركه‌كێ‌ بو راوستاندنا ترومبێلێن هاولاتیان ژ پێتڤیێن یا ڤێ‌ كومه‌لگه‌ها مه‌زن یێن پزیشكی بو ژ به‌ر هندێ‌ مه‌ داخازه‌كا فه‌رمی پێشكێشی رێزدار كاك ( ته‌مه‌ر ره‌مه‌زان ) پارێزگه‌رێ‌ دهوكێ‌ كر ,ژ به‌ر هندێ‌ ئه‌و پارچه‌ عه‌رده‌ و ئه‌و گوره‌پانه‌ ل ویرێ‌ بهێته‌ ته‌رخانكرن بو هاولاتیان كو ترومبیلێن خو ل وێرێ‌ راوه‌ستینین بێ‌ به‌رامبه‌ر , و ب سوپاسی ڤه‌ جه‌نابێ‌ وی ژی رازه‌مه‌ندی ل سه‌ر داخازا مه‌كر و هاته‌ هنارتن بو سه‌روكاتیا باژێرڤانیا دهوكێ‌ و ب سوپاسی ڤه‌ و ب هاریكاریا وان ئه‌ڤ بریاره‌ هاته‌ جێ‌ به‌جێ‌ كرن و گرێ‌ به‌ستا كرێ‌ كرنا ڤێ‌ گوره‌پانێ‌ ب دوماهێك ئینا , و ئه‌ڤ گوره‌پانه‌ هاته‌ ته‌رخانكرن بو راوه‌ستیانا ترومبێلێن وان هاولاتیێن قه‌ستا نه‌خوشخانا ئازادی و نه‌خوشخانا هیڤی دكه‌ن و ئه‌وان ده‌زگه‌هێن دی دكه‌ن بو كارێ‌ پێدڤی بێ‌ به‌رامبه‌ر و ئه‌م هوسا دبینین كو دێ‌ خزمه‌ته‌كا گشتی كه‌ت ل ڤێ‌ ده‌ڤه‌رێ‌ و دێ‌ بیته‌ ئه‌گه‌رێ‌ كێم بونا قه‌ره‌بالغا وان ترومبێلا سه‌ر شه‌قامێ‌ چێتبو , هیڤیدارین ژ هاولاتیان كو ترومبێلێن خو ببه‌نه‌ وێ‌ گوره‌پانێ‌ بێ‌ به‌رامبه‌ر و چهێ‌ پتر ژ (500) ترومبێلا هه‌یه‌ و ژ ئه‌ڤرو پێڤه‌ چ پارا بو كرێ‌ یا راوه‌ستانا ترومبێلا خۆ نا ده‌ی و دبێته‌ بارسڤكیه‌ك بو هاولاتیان كو قه‌ستا ڤان نه‌خوشخانا و ده‌زگه‌هێن نوژداری د كه‌ن , فه‌ره‌ ل دوماهیێ‌ ئه‌م سوپاسێن خو پێشكێشی پارێزگه‌ها دهوكێ‌ و جه‌نابێ‌ پارێزگه‌رێ‌ دهوكێ‌ ( ته‌مه‌ر ره‌مه‌زان ) بكه‌ین و هه‌روه‌سا سوپاسیا سه‌روكاتیا باژێرڤانیا دهوكێ‌ بكه‌ین و ئه‌ف بریاره‌ د به‌ره‌ژه‌وه‌ندیا گشتی دایه‌ و دێ‌ گه‌له‌ك هاریكاریا خه‌لكێ‌ مه‌كه‌ت. راگه‌هاندنا ساخله‌میا دهوك /صادق محمد تاهر