كومبونهكا ههڤپشك دگهل زانایێن ئایینی
هاتیه بلاڤکرن روژا جارشهمبێ, 27 گولان 2009 - 8:39am
ژ پێخهمهت وهرگرتنا رهئیا زانایێ، ئایینی و ئهكتیفكرنا رۆلێ وان د هندهك ئاریشهیێن ساخلهمیێ دا,ئهڤرۆ و ل بارهگایێ ئێكهتیا زانایێن ئایینێ ئیسلامێ لقی دهوك و ب ئامادهبوونا (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ و ( نصرهت بادی) رێڤهبهرێ ئهوقافا دهوكێ و ژمارهكا نوژدارێن تایبهتمهند،كومبوونهكا بهرفره دگهل ژمارهیهكا زانایێن ئایینی هاته گرێدان.
د.عهبدوللا سهعید عهبدوللا رێڤهبهرێ گشتیێ ساخلهمیا پارێزگهها دهوكێ گرنگیا ڤێ خالێ ددو خالان دا دیت ئهوژی ئهكتیفكرنا رۆلێ زانایێن ئایینی دوارێ بهخشینا ئهندامێن لهشیدا ژ كهسێن ساخلهم بو ناسیارێن وان دوور ژ بازرگانیێ و دیسان ژلایێ كهسێن كو بهرئاتافی مرنا بالگههی (موت السریری) دبن و مفا ژ ئهندامێن لهشێ وان بهێته وهرگرتن و لایێ دوێ ژی هاریكاریا زانایێن ئایینی بو هاندانا ههموو كهسان كو بهری مارهبرینێ هندهك بشكنینێن تایبهت ئهنجام بدهن بو دهستنیشانكرنا نهخوشیا تالاسیمیا.
مهلا عهبدولجهلیل صادق ئیمام و خهتیبێ مزگهفتا حهجی مستهفا دیاركر كو راسته ل بهری نوكه فهتوا ژلایێ هندهك زانایێن ئایینی ل جیهانێ هاتینه دان بهلێ پێدڤی یه زانایێن مه دووڤچونا وان فهتوتیان بكهن و بشێن رهئیهكا تایبهت بدهن نهخاسمه كو جڤاكێ مه جێوازی دگهل جڤاكێن دهوروبهر ههیه.
د گهنگهشهیهكا ڤهكری دا چ بریارێن دووماهیێ ل دور بابهتێن ناڤبری نههاتنه دان و رێڤهبهریا گشتی یا ساخلهمیا پارێزگهها دهوكێ چاڤهرێ ی بریارێن زانایێن ئایینی و لیژنا فهتوایێ دێ كهت.
حهمزه رهزیكی