موبایل تیمێن ساخله‌میێ‌( تیمێن گه‌روك یێ، ساخله‌میێ‌) د كومبونه‌كێدا

ل دور گرنگترین ئاریشه‌یێن دكه‌ڤنه‌ د رێكا موبایل تیمان دا ئه‌وێن كو ژلایێ‌ رێڤه‌به‌ریا گشتی یا ساخله‌میا پارێزگه‌ها دهوكێ‌ ب هه‌ڤكاریا رێكخراوا هیڤی/ نازدار سه‌ره‌دانا گوند و ده‌ڤه‌رێن دوور ژ ده‌زگه‌هێن ساخله‌میێ‌ دكه‌ن، ئه‌ڤرۆ ب ئاماده‌بوونا (د.عه‌بدوللا سه‌عید عه‌بدوللا) رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ و ژماره‌كا نوژدار و ستافێ‌ ساخله‌میێ‌ و نوونه‌رێن رێكخراوا هیڤی/ نازدار كومبونه‌ك گرێدا. د كومبونێ‌ دا ستافێ‌ تیمێن ناڤبری ئاریشه‌یێن دكه‌ڤنه‌ د رێیا واندا دگه‌ل ئاكنجیێن ده‌ڤه‌رێن قه‌ست دكه‌نێ‌ به‌حسكرن و خواست كو هه‌ر خزمه‌ته‌كا ل بنگه‌هێن ساخله‌میێ‌ هه‌بیت وه‌ك ده‌رمان و پشكنێن تاقیگه‌هێ‌ دناڤ ترومبێڵاێن تیما گه‌روك دا ژی بهێنه‌ دابینكرن. رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ ژی پشته‌ڤانیا خو ل دور پێشنیازێن وان ده‌ربری و خواست كو به‌رده‌وام بن ل سه‌ر كارێ‌ ژبو خزمه‌تكرنا خه‌لكێ‌ ده‌ڤه‌رێن دووری ده‌زگه‌هێن ساخله‌میێ‌ ل سنورێ‌ پارێزگه‌ها دهوكێ‌. حه‌مزه‌ ره‌زیكی