سه‌نته‌ره‌كێ‌ تایبه‌ت ب چاره‌سه‌ریا نه‌خوشیا په‌نجه‌شێرێ‌ ب رێكا تیشكێ‌ ل پارێزگه‌ها دهوكێ‌ دێ‌ هێته‌ ئاڤاكرن

ب ئاماده‌بوونا (د.زریان عوسمان) وه‌زیرێ‌ ساخله‌میا هه‌رێما كوردستانێ‌ و د.ریچارد یه‌عقوب نوژدارێ‌ تایبه‌تمه‌ندێ‌ چاره‌سه‌ركرنا نه‌خوشیێن په‌نجه‌شێرێ‌ ل وه‌لاتێن ئێكگرتی یێن ئه‌مریكی و (د.عه‌بدوللا سه‌عید عه‌بدوللا) رێڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌، ل رێكوڤتی 9/6/2009 ل كوچكا پارێزگه‌ها دهوكێ‌ كومبونه‌ك دگه‌ل به‌رێز ( ته‌مه‌ر ره‌مه‌زان) پارێزگه‌رێ‌ دهوكێ‌ هاته‌ گرێدان . د كومبوونێ‌ به‌حسێ‌ ئاڤاكرنا سه‌نته‌ره‌كێ‌ تایبه‌تمه‌ند ب چاره‌سه‌ركرنا نه‌خوشیێن په‌نجه‌شێرێ‌ ب رێكا تیشكێ‌ هاته‌ كرن و وه‌زیرێ‌ ساخله‌میێ‌ دیاركر كو پشتی كومبوونه‌كێ‌ دگه‌ل به‌رێز ( نێچیرڤان بارزانی) سه‌روكێ‌ حكومه‌تا جڤاتا وه‌زیران رازه‌مه‌ندیا جه‌نابێ‌ وی هاتیه‌ وه‌رگرتن و كوژمێ‌ (8) ملیون دولارێن ئه‌مریكی بو بجهئینانا ڤی پروژه‌ی ل سه‌ر بوجدا حكومه‌تا هه‌رێما كوردستانێ‌. پارێزگه‌رێ‌ دهوكێ‌ خوشحالیا خو ل هه‌مبه‌ر بجهئینانا ڤی پروژه‌ی دیاركر وعه‌رد بو پروژێ‌ ناڤبری دناڤ كومه‌لگه‌هێ‌ شارێ‌ ساخله‌میێ‌ ل سه‌ره‌كێ‌ دێ‌ هێته‌ ده‌ست نیشانكرن وپاشان كاردێ‌ ژ لایێ‌ كومپانیه‌كا تایبه‌تمه‌ند ب هارییكاری دگه‌ل د. ریچارد دێ‌ ژ لاێ‌ كومپانیه‌كا تایبه‌تمه‌ند ڤه‌ دێ‌ هێته‌ جێ‌به‌جێ‌ كرن پاشی رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ ب هه‌ڤالینیا وه‌زیرێ‌ ساخله‌میێ‌ و شاندێ‌ دگه‌لدا سه‌ره‌دانا جهێ‌ دانانا سه‌نته‌رێ‌ ناڤبری دناڤ باژێرێ‌ ساخله‌میێ‌ ل دهوكێ‌ دا كو وكر لدور جهێ‌ پروژه‌ی هاته‌كرن پاشان د كومبونه‌كێدا دگه‌ل رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ و چه‌ندین نوژدارێن تایبه‌تمه‌ند دوارێ‌ په‌نجه‌شێرێ‌ دا كو ل دیوانا رێڤه‌به‌ریا گشتی یا ساخله‌میا پارێزگه‌ها دهوكێ‌ هاته‌ ئه‌نجامدان, وه‌زیرێ‌ ساخله‌میێ‌ و شاندێ‌ دگه‌لدا بابه‌تێ‌ دانانا سه‌نته‌رێ‌ ناڤبری و چاوانیا بجهئینانا وی و مفا وه‌رگرتنا نه‌خوشان گه‌نگه‌شه‌كرن بریار ئه‌وه‌ ب گوره‌ی پروگرامه‌كێ‌ تایبه‌ت كار ل سه‌ر پروژه‌ی بهێته‌ كرن بو ئاڤاكرنا سه‌نته‌ری و فێركرنا نوژدار و كارمه‌ندێن دی ل وه‌لاتێ‌ ئه‌مریكا و كرینا ئامیرێن پزیشكی یێن پێدڤی ل كومپانیا ( variant ) یا ئه‌مریكی . حه‌مزه‌ ره‌زیكی