ب سه‌ركه‌فتنا تیما پشكا خوپاراستنا ساخله‌میێ‌ قاره‌مانیا ته‌پا پێی یا بچووكری یا ده‌زگه‌هێن ساخله‌میێ‌ ب دووماهی هات

ب ئاماده‌بوونا (د.عه‌بدوللا سه‌عید عه‌بدوللا) رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ و به‌رپرسێن لیژنێن ناوچێن ( پێشكه‌فتن و ئاشتی) یێن پارتی دیموكراتی كوردستان، ل رۆژا 8/6/2009 و ل ده‌مژمێر 7ێ‌ ئێڤاری، یاریا دووماهیێ‌ یا قاره‌مانیا ته‌پا پێی یا بچووك كری دناڤبه‌را تیما هه‌ڤالان و تیما پشكا خوپاراستنێ‌ هاته‌ ئه‌نجامدان. ئه‌ڤ قاره‌مانیه‌ ژلایێ‌ رێڤه‌به‌ریا گشتی یا ساخله‌میا پارێزگه‌ها دهوكێ‌ ب هه‌ڤكاری دگه‌ل سه‌ندیكا ده‌رمانسازێن كوردستانێ‌ – لقی دهوك، و ب پشته‌ڤانیا چه‌ندین كومپانی و ده‌رمانخانه‌ و كوهگه‌هێن ده‌رمانان ل پارێزگه‌ها دهوكێ‌ و ب هه‌لكه‌فتا رۆژا 31/5/2009رۆژا جیهانی یا نه‌هێلانا جگاره‌كێشانێ‌، هاتبو رێكخستن و 16 تیمێن ده‌زگه‌هێن ساخله‌میێ‌ پشكداری تێدا كربو. د یاریا دووماهیێ‌ دا و پشتی هه‌ڤركیه‌كا ب هێز دناڤبه‌را هه‌ردو تیمان دا و پشتی ماوێ‌ یاریكرنێ‌ ب دووماهی هاتی هه‌ردو تیم ب دو گولان وه‌كهه‌ڤبوون و ب لێدانێن په‌نه‌لتیا تیما پشكا خوپاراستنێ‌ شیا 4 گولان به‌رامبه‌ر 3 گولان كاسا قاره‌مانیێ‌ ب ده‌ست خو ڤه‌ بینیت. ب ڤێ‌ چه‌ندێ‌ ئه‌نجامێن دووماهیێ‌ یێن قاره‌مانیێ‌ بڤی ره‌نگی بوون: - تیما پشكا خوپاراستنێ‌ سه‌ركه‌فتیا ئێكێ‌. - تیما هه‌ڤالان یا نوژداران سه‌ركه‌فتیا دوێ‌. - تیما پشكا ده‌رمانسازی سه‌ركه‌فتیا سیێ‌. - باشترین یاریكه‌ر كاروان سه‌لیم . - عومه‌ر چه‌تو ب 14 گولان گولكه‌رێ‌ یاریێ‌ - تیما هه‌ڤالان پاقژترین یاری پشتی ب دووماهی هاتنا قاره‌مانیێ‌(د.عه‌بدوللا سه‌عید عه‌بدوللا) رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ و مێڤانێن ئاماده‌بوی، چه‌ندین دیاری ل سه‌ر تیمێن سه‌ركه‌فتی و ده‌زگه‌هێن راگه‌هاندنێ‌ به‌لاڤكرن. هه‌ژی یه‌ كو رێكخراوا ساخله‌میێ‌ سه‌ر ب لیژنا ناوچا ئاشتی یا پارتی دیموكراتی كوردستان دو دیاری پێشكێشی ( باشترین یاریكه‌ر و گولكه‌رێ‌ قاره‌مانیێ‌) كرن. حه‌مزه‌ ره‌زیكی