ئامیرێ CT.SCANهاته دانان و یهكا زارۆكێن ڤرنیك( خدج) ل نهخۆشخانا زاخۆ یا گشتی هاته ڤهكرن
هاتیه بلاڤکرن روژا ئێک شهمبێ, 14 خزیران 2009 - 11:51am
ب ئامادهبوونا بهرێز كاك (حسێن چهلكی) قایمقامێ قهزا زاخۆ و (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ و بهرپرسا ئهنجومهنێ زاخۆ یا ئافرهتان و ژمارهكا نوژدار و كارمهندێن ساخلهمیێ، ل رۆژا 13/6/2006 و ل دهمژمێر (9,30) سپێدێ پشكا تیشكا CT.SCAN و یهكا زارۆكێن نهگههشتی ل نهخۆشخانا زاخۆ یا گشتی ل قهزا زاخۆ هاتنه ڤهكرن.
د رێ و رهسمێن گهكرنێ دا قایمقامێ قهزا زاخۆ سوپاسیا رێڤهبهریا گشتی یا ساخلهمیا پارێزگهها دهوكێ كر كو بێی جێوازی ههول ددهت ههموو خزمهتێن پێدڤی بۆ نهخۆشان دابین بكهت و ب ڤهكرنا ڤان پروژهیان خوشحالیا خۆ دهربری و خواست كو وهلاتیێن دهڤهرێ ل دهمێن پێدڤی مفای ژێ وهربگرن.
د.عهبدللا سهعید عهبدوللا رێڤهبهرێ گشتیێ ساخلهمیا پارێزگهها دهوكێ ژی دیاركر كو بهری نوكه و ژبهر نهبوونا ڤان خزمهتان ل قهزا زاخۆ نهخوش نهچاردبوون ل دهمێ پێدڤی قهستا ناڤهندا باژێرێ دهوكێ بكهن، بهلێ ب دابینكرنا وان ئێدی بوارێ نهخۆشان دگهل بوارێ دهزگههێن ساخلهمیێ ل ناڤهندا باژێرۆێ دهوكێ دێ سڤك بیت و گوت: دگهل پهیدابوونا پشكێن نوو ل ههر دهزگهههكێ ساخلهمیێ ستافێ پێدڤی ژی بۆ دهێته پهیداكرن و دیاركر كو ب پشتهڤانیا حكومهتا ههرێما كوردستانێ رۆژ بۆ رۆژێ دێ خزمهتێن باشتر ل دهزگههێن ساخلهمیێ هێنه پێشكێشكرن.