كومبونه‌كا به‌رڤره دگه‌ل شاندێ نوژدارێن ئیتالی
هاتیه بلاڤکرن روژا ئێک شه‌مبێ, 21 خزیران 2009 - 9:24am
ئه‌ڤرو ل ده‌مژمێر 10 سپێدێ ل رێكه‌ڤتی 20/6/ 2009 ل هولا رێڤه‌به‌ریا ساخله‌میا گشتی یا پارێزگه‌ها دهوكێ كومبونه‌كا به‌رڤره هاته‌گرێدان ب ئاماده‌بونا به‌رێز عبدالله سعید عبدالله رێڤه‌به‌رێ گشتی ساخله‌میا دهوك و ب ئاماده‌بونا خاتون په‌خشان عزیز به‌رپرسا رێكخراوا هیڤی نازدار –دهوك دگه‌ل شاندێ‌ً نوژدارێن ئیتالی ب سه‌روكاتیا نوژدار /یولێ پینتو ، رێڤه‌به‌رێ رێڤه به‌ریا ساخله‌میا زاخو و رێڤه‌به‌رێ نه‌خوشخانا هیڤی یا زاروكان و چیند نوژدار وكارمه‌ندێن په‌یوه‌ندیدار ، هه‌ژیه بێژین كو شاندێ ناڤبری هه‌رژ ئه‌ڤرو دێ رابن ب پشكنینا زاروكان بو چاره‌سه‌ریا وان ل دهوكێ یان ل وه‌لاتێ ئیتالیا و بو مه‌شقكرنا نوژدارێن پشكا قه‌سته‌رادلی ل سه‌ر نیترین پێشڤه‌چونا زانستێ نوژداری یا جیهانی
تیما ناڤبری دێ دانوستاندنا كه‌ت دگه‌ل بنگه‌هێن چاڤدێریا ساخله‌میا ده‌ستێكی و پروتوكولێن شروڤه‌كرنا نوژداری یا ده‌ستپێكی بو زاروكان وپاراستن و پشته‌ڤانیا ده‌یكێن دوو گیان و ده‌ست نیشانكرنا زو ده‌م یا به‌دخوراكی و ب جهئینانا پروگرامه‌كێ پێشكه‌ڤتی بو پێشڤه‌برنا ئاستێ بنگه‌هێن ساخله‌میا ده‌ستپێكی ب رێكا گێرانا خولێن مه‌شقكرنێ وفێركرنا نوژدار و كارمه‌ندێن بنگه‌هێن ساخله‌میا ده‌ست پێكی هه‌ژیه بێژین كو رێكخراوا هیڤی نازدار ب هه‌ڤكاری یا رێڤه‌به‌ریا گشتی یا ساخله‌میا دهوكَ هه‌ر ژ سالا 2006 ێ وه‌ره چاره‌سه‌ریا 488 نه‌خوشا چ ل ئیتالیا یا ل كوردستانێ جورێن نه‌خوشیێن دلی یێن زاروكان و نه‌خوشێن خوینێ و نشته‌رگه‌یا زاروكان و نه‌خوشیێن كوما ده‌مارا ب رێكا رێكخراوێن ئیتالی ڤه ( ئێمی ، سیا ، مید چایلد ) كریه
ئه‌ڤ مالپه‌ره فرێکه
