شاندهكێ بالیوزخانا ئهمریكی سهرادانا رێڤهبهریا گشتی یا ساخلهمیا پارێزگهها دهوكێ ددهت
هاتیه بلاڤکرن روژا دوو شهمبێ, 22 خزیران 2009 - 1:16pm
ب مهرهما زانین و سهرهلبوونا رهوشا ساخلهمیێ ل پارێزگهها دهوكێ، ئهڤرۆ 22/6/2009 شاندهكێ بالیوزخانا ئهمریكی ب سهروكاتیا ( ئهبریل وێلز) بهرپرسا بادهكا دهوك ل بالیوزخانا ناڤبری و ب نوونهراتیا ( د.لویس تانك) بهرپرسێ پروژهیێن ویلایهتێن ئێكگرتی یا ئهمریكی (USAID) ل ههرێما كوردستانێ سهرادانا رێڤهبهریا گشتی یا ساخلهمیا پارێزگهها دهوكێ دا و ژلایی(د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ هاتنه پێشوازیكرن.
د روونشتنهكێدا ههردو لایان بهحسێ پێدڤیێن دهزگههێن ساخلهمیێ كر و رێڤهبهرێ گشتیێ ساخلهمیا پارێزگهها دهوكێ پروژێن كو ب پشتهڤانیا بالیوزخانا ئهمریكی ل سنورێ پارێزگهها دهوكێ هاتینه ئهنجامدان ب گرنگی ههلسهنگاندن و خواست كو هاریكاریا دهزگههێن ساخلهمیێ بكهن بۆ ڤهكرنا خولێن راهێنانێ ل دور ئامیره و پروگرامێن جودا جودا یێن ساخلهمیێ دا.
دهێته زانین كو پشتی رزگاریا عیراقێ ل سالا 2003ێ بالیوزخانا ئهمریكی گرنگیهكا تایبهت دایه كهرتێ ساخلهمیێ و ب ههڤكاری دگهل حكومهتا ههرێما كوردستانێ شیایه چهندین پروژه و پێدڤیان بۆ دهزگایێن ساخلهمیێ ل سنورێ پارێزگهها دهوكێ جێبهجێ بكهت.