شاندهكێ وهلاتێ یابانێ گههشته پارێزگهها دهوكێ
هاتیه بلاڤکرن روژا دوو شهمبێ, 22 خزیران 2009 - 2:27pm
شاندهكێ وهلاتێ یابانێ كو پێكهاتی بو ژ (نوریوكو شیب) بهرپرسێ پروگرامێ JFP و JAPAN PLATFORM)) نوونهرێ سهرهكیێ پروژێن رێكخراوا PWJ دگهل رێڤهبهرێ رێكخراوا PWJ ل عیراقێ و چهند ئهندازیاران ئهڤرۆ ل دهمژمێر 11ێ سپێدێ سهرهدانا سهنتهرێ نهخوشیا تالاسیمیا ل دهوكێ كرن و د كومبونهكێدا دگهل بهرپرس و فهرمانبهرێن سهنتهرێ تالاسیمیا و كومهلا تالاسیمیا لقی دهوك, رهوشا نهخوشێن تالاسیمیا ل پارێزگهها دهوكێ گهنگهشهكرن.بو زانین سهنتهرێ تالاسیمیا ب پشتهڤانیا رێكخراوا (PWJ) ل سالا 2006ێ یێ هاتیه ئاڤاكرن.
ددووڤدا شاندێ ناڤبری سهرهدانا رێڤهبهریا گشتی یا ساخلهمیا پارێزگهها دهوكێ دا و ژلایێ (د.عهبدوللا سهعید عهبدوللا) رێڤهبهرێ گشتی یێ ساخلهمیا پارێزگهها دهوكێ هاتنه پێشوازیكرن.
د روونشتنهكێدا رێڤهبهرێ گشتیێ ساخلهمیا پارێزگهها دهوكێ رۆلێ رێكخراوا PWJ یا یابانی د وارێ ساخلهمیێ دا پێشچاڤ كر كو دسالێن بهری نوكه دا چهندین خزمهتێن ساخلهمیێ پێشكێشی كهمپێن پهناهندان كربوون و ب ههڤكاریا حكومهتا ههرێما كوردستانێ و چهند رێكخراوێن بیانی چهند بنگههێن ساخلهمیێ بو گوندێن سهر ب پارێزگهها دهوكێ ئاڤاكرینه.
رێڤهبهرێ گشتیێ ساخلهمیا پارێزگهها دهوكێ خواست كو ههڤكاری و پشتهڤانیا رێكخراوێن یابانی دبیاڤێ ساخلهمیێ دا یا بهردهوام بیت و ب وێ ههڤكاریێ بشێن هێشتا پروژهیان ل دووڤ پێدڤیا كهرتێ ساخلهمیێ دابین بكهن.