شاندهكێ نوژداری ل وهلاتێ ئهلمانیا دێ چهند نشتهرگهریێن قهستهرا دلی بو زاروكان ل باژێرێ دهوكێ كهت
هاتیه بلاڤکرن روژا پێنج شهمبێ, 25 خزیران 2009 - 10:21am
شاندێ نوژداری ل وهلاتێ ئهلمانیا ئهوێ ل رۆژا 24/6/2009ێ گههشتیه پارێزگهها دهوكێ، ئهڤرۆ قهستا نهخوشخانا ئازادی یا فێركرنێ ل دهوكێ كر و د كومبونهكێدا ب ئامادهبونا (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ و رێڤهبهرێ نهخوشخانا ئازادی یا فێركرنێ و ستافێ سهنتهرێ دهوك یێ دلی،(د.عهبدوللا سهعید عهبدوللا) ب خێرهاتنا شاندێ مێڤان كر و نوژدارێن دگهل شاندی بو ئامادهبویان دانه نیاسین و گرنگیا پروژێ چارهسهركرنا نهخوشیێن دلی ل دهڤ زاروكان ئهوێ دهێته ئهنجامدان ژلایێ ڤی شاندی ب ههڤكاریا رێڤهبهریا گشتیی یا ساخلهمیا پارێزگهها دهوكێ گهنگهشهكر و و خواست كو پروگرامێ ناڤبری یێ بهردهوام بیت كو ئێدی زارویێن پارێزگههێ پێدڤی ب دهرڤهی وهلاتی نهبن بو ڤان جوره چارهسهریان.
ددووڤدا د.یوخن سهروكێ شاندی ژپێش شاندێ ناڤبری ڤه سوپاسیا رێڤهبهریا گشتی یا ساخلهمیا پارێزگهها دهوكێ كر كو ئهڤ دهلیڤه بو روخساندی كو دگهل ستافێ سهنتهرێ دهوك یێ دلی د خزمهتا زاروكان دا كاربكهن و دیاركر كو ژ ئهڤرۆ 25/6/2009 ئهو دهست ب پشكنینا چهند زاروكان یێن تووشی نهخوشیێن دلی یێن زكماكی بوین كهن و دماوێ سهرهدانا خودا بۆ دهمێ 5 رۆژان كریارا قهستهرا دلی دێ بۆ 25 زاروكان ئهنجام ده ن.
حهمزه رهزیكی