رێزدار نێچیرڤان بارزانی بهرێ بنیاتی بۆ نهخوشخانهكا 200 تهختی ل قهزا زاخو دانا
هاتیه بلاڤکرن روژا جارشهمبێ, 1 تیرمههـ 2009 - 11:28am
ب ئامادهبوونا رێزدار كاك ( نێچیرڤان بارزانی) سهروكێ حكومهتا ههرێما كوردستانێ و د.عهبدولرهحمان عوسمان وهزیرێ تهندروستی و بهرێز (تهمهر رهمهزان) پارێزگارێ دهوكێ و (د.عهبدوللا سهعید عهبدوللا) رێڤهبهرێ گشتی یێ ساخلهمیا پارێزگهها دهوكێ و ژمارهكا زور یا بهرپرس و رێڤهبهرێن دام و دهزگایێن حزبی و حكومی ل سنورێ پارێزگهها دهوكێ و قهزا زاخو، رۆژا 29/6/2009 و ل دهمژمێر (3) ێ ئێڤاری بهرێ بنیاتی بۆ پروژێ ئاڤاكرنا نهخوشخانهیهكا 200 تهختی ل دهڤرا زاخو ژلایێ رێزدار (نێچیرڤان بارزانی) سهروكێ حكومهتا ههرێما كوردستانێ هاته دانان.
بهرێز سهروكێ حكومهتا ههرێما كوردستانێ پشتی دانانا بهرێ بنیاتی یێ پروژهی، د پهیڤهكێدا ئاماژه ب سهرهدانا خو یا بهری دو سالان بۆ دهڤهرا زاخو دا و گوت: بهری دو سالان ل دهمێ من سهرهدانا دهڤهرا زاخو كری چهند داخوازی ژمن هاتنه كرن كو پروژێ ئاڤا ڤهخوارنێ و دو كولیژهبوون دگهل نهخوشخانهیهكێ و ئهڤرۆ ئهڤ داخوازه هاتنه بجهئینان.
بهرێز سهروكێ حكومهتێ ئهوژی دیاركر كو ههر تشتێ بۆ خهلكێ دهڤهرا زاخو بهێته كرن ژ ههژی وانه و ئهڤ پرۆژه پشتی ب دووماهی بهێت دێ خزمهتهكا مهزن پێشكێشی خهلكێ دهڤهرێ كهت.
ل دووڤ گوتنێن د.عهبدوللا سهعید عهبدوللا رێڤهبهرێ گشتیێ ساخلهمیا پارێزگهها دهوكێ كو ژبهر گرنگی و پێدڤیا دهڤهرا زاخو بو نهخوشخانهیهكێ و ل گور پلانا رێڤهبهریا گشتی یا ساخلهمیا پارێزگهها دهوكێ، رازهمهندیا ئاڤاكرنا نهخوشخانهیهكا 200 تهختی ل زاخو هاته وهرگرتن و بریار ئهوه كو ب دیزاینهكێ مودرن و ژلایێ كومپانیهكا تایبهتمهند ب ئاڤاكرنێ ڤه بهێته ئاڤاكرن و ههموو پشكێن سهرهكی و خزمهتگوزاری دێ ل ڤێ نهخوشخانێ هێنه پێشكێشكرن و نووترین ئامیرێن پزیشكی دێ لێ هێنه دانان و ژلایێ ستافهكێ تایبهتمهند دێ هێته برێڤهبرن و دیاركر ژی كو ئهڤ نهخوشخانه ل سهر بودجا وهزارهتا دارای یا حكومهتا ههرێما كوردستانێ دێ هێته بجهئینان و ب دووماهی هاتنا ڤی پروژهی ههتا 20 سالێن دی خزمهتا خهلكێ زاخو و دهوروبهران دێ ب شێوهیهكێ رێكخستی هێته كرن.