رازه‌مه‌ندیا دامه‌زراندنا 455 فه‌رمانبه‌ران بۆ ده‌زگه‌هێن ساخله‌میێ‌ ل سنورێ‌ پارێزگه‌ها دهوكێ‌ هاته‌ وه‌رگرتن

ژبه‌ر پێدڤیا ده‌زگه‌هێن ساخله‌میێ‌ ب فه‌رمانبه‌ران و به‌رده‌وام ڤه‌بوونا نه‌خوشخانه‌ و بنگه‌هێ، ساخله‌میێ‌ یێن نوو ل پارێزگه‌ها دهوكێ‌ و هه‌بوونا گه‌له‌ك فه‌رمانبه‌رێن گرێبه‌ست ب شێوه‌یێن به‌روه‌خت ل دام و ده‌زگایێن ساخله‌میێ‌ بریار هاته‌ دان هه‌موو فه‌رمانبه‌رێن به‌روه‌خت ب شێوه‌یه‌كێ‌ فه‌رمی بهێنه‌ دامه‌زراندن. د.عه‌بدوللا سه‌عید عه‌بدوللا رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ راگه‌هاند كو ژمارا وان 455 فه‌رمانبه‌رن و پشتی رازه‌مه‌ندیا سه‌روكێ‌ حكومه‌تا كوردستانێ‌ (رێزدار نێچیرڤان بارزانی) هاتیه‌ وه‌رگرتن بریار هاته‌ دان كو ئه‌و فه‌رمانبه‌ر ب شێوه‌یه‌كێ‌ فه‌رمی و به‌رده‌وام ل سه‌ر میلاكێ‌ رێڤه‌به‌ریا گشتی یا ساخله‌میا پارێزگه‌ها دهوكێ‌ بهێته‌ دامه‌زراندن.