بهرێ بنیاتی بۆ بنگهههكێ ساخلهمیێ پێشكهفتی ل ناحیا زاویته هاته دانان
هاتیه بلاڤکرن روژا جارشهمبێ, 8 تیرمههـ 2009 - 12:13pm
ب چاڤدێریا بهرێز ( تهمهر رهمهزان) پارێزگهرێ دهوكێ و ب ئامادهبوونا (ماجد سهید صالح) قایمقامێ قهزا دهوكێ و ( خالد عهزیز) رێڤهبهرێ ناحیا زاویته و د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ و چهند ئهندامێن جڤاتا پیرێن زاویته، ئهڤرۆ 8/7/2009 بهرێ بنیاتی بۆ بنگهههكێ ساخلهمیێ پێشكهفتی ژ جورێ ( A ) ل ناحیا زاویته هاته دانان.
ماجد سهید سالح قایمقامێ قهزا دهوكێ د پهیڤا خودا دیاركر ب ئاڤاكرنا بنگهههكێ پێشكهفتی ل ناحیا زاویته، دێ خزمهتێن باش بۆ خهلكێ زاویته و گوند و كومهلگههێن ب سهرڤه هێته پێشكێشكرن و سوپاسیا رێڤهبهریا گشتی یا ساخلهمیا پارێزگهها دهوكێ و كارگێریا ناحیا زاویته كر ل دور ههولێن وان یێن بهردهوام ههتا كو شیاین بنگهههكێ ب ڤی رهنگی بدانن.
د.عهبدوللا سهعید عهبدوللا، رێڤهبهرێ گشتیێ ساخلهمیا پارێزگهها دهوكێ دیاركر كو بنگههێ زاویته یێ ساخلهمیێ ب كوژمێ 915,666,500ملیون دینارێن عیراقی ژلایێ حكومهتا ههرێما كوردستانێ بۆ هاتینه تهرخانكرن و گوت: د ڤی بنگههی دا دێ چهندین پشكێن نوو وهك ( هولا زاروكبوونێ و تیشك و تاقیگهه و خزمهتێن نوژداریا ددانا و ...هتد) دێ لێ ههبن و خزمهتهكا بهرچاڤ دێ بۆ خهلكێ و زاویته و دهوروبهران هێته پێشكێشكرن و دێ بیته بارسڤكیهك بۆ دهزگههێن ساخلهمیێ ل سهنتهرێ بلژێری ژی.