دهرمان بۆ نهخوشێن پهنجهشێرا خوینێ هاتنه كرین
هاتیه بلاڤکرن روژا پێنج شهمبێ, 23 تیرمههـ 2009 - 1:09pm
ژبهركو دهرمان ب شێوهیهكێ دروست ژلایێ وهزارهتا ساخلهمیا عیراقا فیدرال ناگههنه پارێزگههێ و گهلهك نهخوشان پێدڤی ب دهرمانێن تایبهت ههنه, رێڤهبهریا گشتی یا ساخلهمیا پارێزگهها دهوكێ رابویه ب كرینا دهرمانێن تایبهت بۆ نهخوشێن لوكیمیا و پهنجهشێرا هانا (GIST) و بۆ دهمێ 6 ههیڤان دهرمان ب ههروه بۆ نهخوشان دێ هێنه دان.
د.رهمهزان تهیب، بهرپرسێ كلینیكا نهخوشیێن پهنجهشێرێ ل نهخوشخانا ئازادی یا فێركرنێ دیاركر كو ب پشتهڤانیا حكومهتا ههرێما كوردستانێ، رێڤهبهریا گشتی یا ساخلهمیا پارێزگهها دهوكێ رابوویه ب كرینا دهرمانێن نهخوشیێن پهنجهشێرێ و بۆ دهمێ 6 ههیڤان ههر نهخوشهكێ لوكیمیا و پهنجهشێرا هناڤان ژجورێ GIST دێ دهرمانا بێ بهرامبهر ل كلینیكا ناڤبری وهرگرن.
هاولاتی نوری سلێمان ژی دا خویاكرن كو ئهڤه دو ساله وان نهخوشهك ههیه و ههیڤانه پێدڤی بۆ ب بهایێ 300$ دهرمانا بكرن و ژبهر دهستكورتیا وان گهلهك ههیڤان نهدشیاین دهرمانان بكرن و سوپاسیا حكومهتا ههرێما كوردستانێ و رێڤهبهریا گشتی یا ساخلهمیا پارێزگهها دهوكێ كر كو ب كرینا ڤان جوره دهرمانان رابوی.