دوو سمینار ل دور ئه‌نفلاوه‌نزا به‌ربه‌لاڤ

د چارچوڤێ‌ هه‌ولێن به‌رده‌وام بۆ گه‌هاندنا پێزانینان و رێكێن خۆپاراستنێ‌ ژ نه‌خوشیا ئه‌نفلاوه‌نزا به‌ربه‌لاڤ و ب هه‌ڤكاریا رێكخراوا یونسێف، ل رۆژا پێنچ شه‌مبی رێكه‌فتی 27/8/2009 و ل ده‌مژمێر 10ێ‌ سپێدێ‌ و ل هولا باره‌گایێ‌ ئێكه‌تیا زانایێن ئاینێ‌ ئیسلامێ‌، د.ره‌عه‌د عه‌بدولره‌حمان به‌رپرسێ‌ هوبا راگه‌هاندنێ‌ و د.سیروان محه‌مه‌د ئه‌سوه‌د به‌رپرسێ‌ هوبا نه‌خوشیێن دهێنه‌ ڤه‌گرتن ل پشكا خوپاراستنا ساخله‌میێ‌، سمیناره‌ك بۆ ژماره‌یه‌كا ماموستایێن ئاینی ل سنورێ‌ قه‌زایێن دهوك و سێمێل پێشكێشكر. د سمینارێ‌ دا به‌حسێ‌ ئه‌گه‌رێن په‌یدابوونا نه‌خوشیێ‌ و رێكێن ده‌ستنیشانكرنا نه‌خوشیێ‌ و چاوانیا خوپاراستن و چاره‌كرنا نه‌خوشیێ‌ هاته‌ كرن و ل دووماهیێ‌ ئاماده‌بویان گه‌نگه‌شه‌ دگه‌ل پێشكێشكارێن سمینارێ‌ كرن و به‌رسڤێن وان هاتنه‌ به‌رسڤدان. * هه‌ر هه‌مان رۆژا و ل ده‌مژمێر 11ێ‌ سپێدێ‌ و ل دور بابه‌تێ‌ نه‌خوشیا ئه‌نفلاوه‌نزا به‌ربه‌لاڤ هه‌ردو ناڤبریان سمیناره‌كا هه‌ڤپشك بۆ كومه‌كا ئافره‌تان ل هولا ئه‌نجومه‌نێ‌ پارێزگه‌ها دهۆكێ‌ یا ئافره‌تان پێشكێشكر.