پێرابونێن تایبهت بۆ كونترولكرنا نهخوشیا ئهنفلاوهنزا بهربهلاڤ دێ هێنه كرن
ب سهرپهرشتیا (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ و د.كاوه محهمهد ئهمین نوونهرێ رێكخراوا ساخلهمیا جیهانی و چهند نوژدارێن تایبهتمهند دوارێ نهخوشیێن ڤهگر و تاقیگههان دا، ل رۆژا شهمبی رێكهفتی 12/9/2009 و ل دهمژمێر 11ێ سپێدێ كومبونهك ل دیوانا رێڤهبهریا گشتی یا ساخلهمیا پارێزگهها دهوكێ هاته كرن.
ل بهراهیێ د.عهبدوللا سهعید عهبدوللا، رێڤهبهرێ گشتیێ ساخلهمیا پارێزگهها دهوكێ دیاركر كو سهرهرای قهدهغهكرنا چوونا عومرێ ژلایێ جهێن بهرپرسیار ڤه بهلێ گهلهك وهلاتیان ئهڤ بریاره ب جه نهئینا و برێكێن قهچاغ چوونه وهلاتێ سعودیێ و پشتی هاتیه راپورتكرن كو گهلهك ژوان تووشی نهخوشیا ئهنفلاوهنزا بهربهلاڤ H1N1 بوینه و ژبهركو گهلهك كورد ژی چوینه عومرێ پێدڤی یه ههر ژنوكه ئهم یهدهكێن تایبهت وهربگرین ژبۆ كونترولكرنا نهخوشیا ناڤبری.
پشتی گهنگهشه هاتیه كرن دناڤبهرا ئامادهبویان دا، ئهڤ خاله هاتنه پهسهندكرن:
- پێكئینانا لیژنێن تایبهت بۆ دووڤچونا نهخوشیێ كو پێكهاتی بن ژ نوژدار و هاریكارێن تافیگههێ.
- پێرابون ل خالێن سنوری وهك ( پرا سحێلا و گومركا ئیبراهیم خهلیل) بۆ رێڤینكان بهێنه وهرگرتن وگومان لێكریێن نهخوشیێ بهێنه ڤهدهركرن.
- قاویشهكا تایبهت ل نهخوشخانا ئازادی یا فێركرنێ بهێته تهرخانكرن بۆ پێشوازیكرنا كهسانێن تووشی نهخوشیا ناڤبری دبن.
- ههر وهسان د كومبونێ دا دیاركر كو ههموو پێدڤیێن تایبهت یێن پشكنینێ بۆ پشكنینێن تاقیگههێ و زانینا پلا گهرماتیا مرۆڤی نوكه ل بهردهستن و دیسان دهرمان و پێدڤیێن چارهسهریێ ژی ل نهخوشخانێن پارێزگهها دهوكێ ههنه.