رێنمایێن ساخلهمیێ بۆ كهسێن قهستا حهجێ دكهن
- بهری سهفهرێ بكهی، دلنیا به كو ته ههموو ڤاكسینێن پێدڤی وهرگرتینه.
- ئهگهر ته نهخوشیهكا دومدرێژ ههیه و دهرمانان ب كاردئینی، پێدڤیه دهرمانان بۆ دهمێ ههیڤهكێ دابین بكهی و دگهل خو ببهی.
- تیما پزیشكی یا وهزارهتا ساخلهمیا ههرێما كوردستانێ دێ دگهل وهبیت و ل دهمێ هوون دگههن پێدڤی یه بزانی ل چ جهن داكو ل دهمێ پێدڤی ب سانههی پهیوهندیێ دگهل بكهی.
- بۆ خوپاراستنێ ژ نهخوشیا ئهنفلاوهنزا بهرازان، رێنمایێن خوپاراستنا ساخلهمیێ بكاربینه.
- ل دهمێ ڤهگهریانێ بۆ ههرێما كوردستانێ، ل فروكخانێ دێ پشكنینهكا تایبهت ب نهخوشیا ئهنفلاوهنزا بهرازان بۆ ته هێته كرن و ئهگهر پێدڤی بۆ بۆ دهمێ چهند رۆژان دێ ل ژێر چاڤدێریا پزیشكی مینی و چارهسهریا پێدڤی دێ بۆ ته هێته كرن.
بلا ئهم ههموو پشكداربین د بهرهنگاریا ئهنفلاوهنزا بهربهلاڤ H1N1 ئهوا ناسیار ب ئهنفلاوهنزا بهرازان.
رێنمای بۆ خوپاراستنا خو و ههڤالێن خو ژ نهخوشیا ئهنفلاوهنزایێ پێدڤیه:
- ب بهردهوامی دهستێن یخو ب ئاڤێ و سابوونێ بشوو.
- دهڤ و دڤنا خو ل دهمێ كوخك و بێهنژینێ ب داپوشه و ئهو كهفیكا دهێته ب كارئینان ئێكسهر بكه دناڤ سهلكا گلێشی دا.
- بهری شووشتنا دهستان، دهستێن خو نهكه دهڤ و دفنا خۆ.
- تشتێن تایبهت بخو ب كاربینه.
- ئهگهر ته ههست ب نیشانێن ئهنفلاوهنزایێ كر زوو پهیوهندیێ ب تیما پزیشكی بكه.
راگههاندنا رێڤهبهریا گشتی یا ساخلهمیا پارێزگهها دهۆكێ
چهند گوهورین ل ساخلهمیا زاخو پهیدابوون
پشتی رازهمهندیا پارێزگهها دهۆكێ هاتیه وهرگرتن، رێڤهبهریا گشتی یا ساخلهمیا پارێزگهها دهۆكێ رابو ب ئهنجامدانا چهند گورانكاریان ل رێڤهبهریا ساخلهمیا قهزا زاخو ژبو خزمهتا گشتی.د.عهبدولعهزیز ئیبراهیم محمد، تایبهتمهندێ نشتهرگهریا میزدانك و جوبارێن میزێ ل رێڤهبهریا زاخو یا گشتی هاته دانان وهك رێڤهبهرێ ساخلهمیا زاخو ل شوونا د.نوری رهمهزان .
ههروههان ژبهر وهرگرتنا (د.ئاراس ئهحمهد صائب) رێڤهبهرێ نهخوشخانا زاخو یا گشتی ل خواندنا بالا، بریار هاته دان كۆ د.قهرهنی سعید عهبدوللا ل جهێ ناڤبری بهێته دانان وهك رێڤهبهرێ نهخوشخانا ناڤبری.