خولهكا ڤێراگههشتنێن دهسپێكێ هاته ڤهكرن
ل دهمژمێر 9ێ سپێدههیا ئهڤرۆ 18/10/2009 و ل هولا نهخوشخانا تهنگاڤیان ل دهۆكێ، رێڤهبهریا گشتی یا ساخلهمیا پارێزگهها دهۆكێ ب ههڤكاری دگهل رێكخراوا ساخلهمیا جیهانی WHO رابوون ب ڤهكرنا خولهكا ڤێراگههشتنێن دهسپێكێ كو دێ بو دهمێ پێنچ رۆژان ڤهكێشێت.
د ڤێ خولێ دا د.سهروهر سادق بههائهدین، نوونهرێ رێڤهبهریا گشتی یا ساخلهمیا پارێزگهها دهۆكێ و نوونهرێن رێكخراوا ساخلهمیا جیهانی ل ههولێر و دهوك ئامادهببون و ل بهراهیێ د. سهروهر سادق پهیڤهك پێشكێشی ئامادهبویان كر و تێدا خواست كو كارمهندێن ساخلهمیێ یێن پشكدار گرنگیێ ب خولا ناڤبری ب ههردو ئالیێن تیوری و پراكتیكی.
ههژی یه كو ئهڤ خوله دێ ههتا 22/10/2009 یا بهردهوام بیت و تێدا كارمهندێن پشكا پێشوازیێ یێن نهخوشخانا( ئازادی و تهنگاڤیان و سوتنێ) زێدهباری كارمهندێن سهنتهرێن ههوارهاتنێ ل گهلیێ زاخو و دوشیڤان و بهردهرهش و سهرسنكێ تێدا د پشكدارن و بریار ئهوه خولا دوێ ژی ل 25/10/2009ێ دهست پێبكهت و دیسان بو دهمێ پێنچ رۆژان یا بهردهوام بیت.