ئێكهم كونفرانسێ نوژدارێن كورد ل باژێرێ ئامهدێ ب پشكداریا پتر ژ 400 نوژداران ل جیهانێ ب رێڤهچوو
ل رۆژێن 22- 24/10/2009 ئێكهم كونفرانسێ زانستی یێ نوژدارێن كورد ل وهلاتێ توركیا و ل باژێرێ ئامهدێ ل ژێر درووشمێ ( رۆژێن تهندروستی یێن میزوبوتامیا) و ب پشكداریا پتر ژ 400 نوژدارێن كورد ل ههر چوار پارچێن كوردستانێ و 9 وهلاتێن جیهانێ وهك وهلاتێن ئهوروپی و ئهمریكا و جورجیا و ئهرمینیا ب رێڤه چوو ، زێدهباری ڤێ چهندێ هژمارهكا زور ژ نوژدارێن وهلاتێ توركیا ژی كو دوستێن نێزیكی گهلێ كوردن پشكداری تێدا كربوو.
ئێكهم كونفرانسێ نوژدارێن كورد ژلایێ ( كومهلا نوژدارێن كورد ل وهلاتێ ئهلمانا و ژوورا نوژداران ل ئامهد ( دیار بهكر) و ب ههڤكاریا رێڤهبهریا گشتی یا ساخلهمیا پارێزگهها دهۆكێ و سهندیكا نوژدارێن كوردستانێ تایێ دهۆك) هاتبوو رێكخستن و 25 نوژدار و شارهزایێن بوارێ ساخلهمیێ ل ههرێما كوردستانێ ژی پشكداربوون د كونفرانسی دا.
د.عهبدوللا سهعید عهبدوللا، رێڤهبهرێ گشتیێ ساخلهمیا پارێزگهها دهۆكێ و وهكو ئێك ژ رێكخهر و بهشدارێن ڤی كونفرانسی ل ههرێما كوردستانێ دیاركر كۆ ئهڤه ئێكهم كونفرانسێ پزیشكی و تهندروستی بو كو زمانێ كوردی وهكو زمانهكێ فهرمی تێدا هاتیه ب كارئینان و رۆژانێن ب كونفرانسی گهلهك ئاسای و دوور ژ ئاستهنگان ب رێڤهچوون و تێدا سهروكێ باژێرڤانیا مهزن یا ئامهدێ ( ئوسمان بایدهمیر) ژی تێدا پشكداربو و گوت: باژێرڤانیا ئامهدێ پشتهڤانیهكا باش كربو بو سهركهفتنا ڤی كونفرانسی.
د.عهبدوللا سهعید دیار كر ژی كو د مژارێن كونفرانسی دا بابهتێن جورا و جور هاتنه پێشكێشكرن و ئێك ژ بابهتێن ههره گرنگ، سستهمێ ساخلهمیێ بو و ئهو جوداهیا دناڤ سستهمی دا ههی د ناڤبهرا وهلاتێن ( توركیا و ههرێما كوردستانێ و ئیران و سوریا) دا و گهنگهشهیهكا تێر و تهسهل ل سهر سیستهمێ ههر چوار وهلاتان هاته كرن.
رێڤهبهرێ گشتیێ ساخلهمیا پارێزگهها دهۆكێ كو د كونفرانسی دا سمینارهك ل دور سیستهمێ ساخلهمیا ههرێما كوردستانێ بو ئامادهبویان پێشكێشكر دیسان ژی گوت: ئهو هزرا دهاته خویاكرن كو ههموو تورك نهیارێن گهلێ كوردن، دبیت ژ راستیێ یا دوور بیت و نموونهیهك ل دور ڤێ چهندێ ئینا و گوت: چهندین نوژدارێن تورك د سمینارێن خو دا ئیشارهت ب جوداهیا خزمهتێن ساخلهمیێ ئهوێن بو وهلاتیێن تورك و كورد ل وهلاتێ توركیا دهێنه پێشكێشكرن و د ماوێ سمینارێن وان دا دیاربو كو جیاوازیهكا مهزن ههیه و ئهڤه ب خو راستیا وێ چهندێ دیاردكهت كو گهلهك ژ وهلاتیێن توركیا خهمخور و پشتهڤانێن دوزا گهلێ كوردن ل توركیا.
ئێكهم كونفرانسێ نوژدارێن كورد ل باژێرێ ئاماهدێ بو دهمێ 3 رۆژان بهردهوام بو و تێدا رهوشا ساخلهمیێ و پاشهرۆژا سیستهمێ ساخلهمیێ و نووترین پێشهات د وارێ زانستی و پزیشكی هاتنه گهنگهشهنكرن و بوو دهرگهههك ژی كو ژ سالێن داهاتی ئهڤ كونفرانسه ب شێوهیێن بهرفرههتر ژبو مهرهما ههڤناسین و پێشڤهبرنا رهوشا ساخلهمیێ ل دهڤهرا میزوپوتامیا پتر بهێنه گێران.
ل دووماهیێ ژی بریار هاته دان كو سالانه ئهڤ كونفرانسه بهێنه گرێدان و ل سالا 2010ێ ژی دێ ل بالژێرێ ئامهدێ بیت و ل سالا 2011 ژی دێ ل ههرێما كوردستانێ بیت.