تیمهكێ نوشدارێن ئیتالی گههشته پارێزگهها دهۆكێ
ب مهرهما ئهنجامدانا چهند نشتهرگهریان بۆ زارۆكێن پێدڤی و پشكنینا زاروكێن ل پێش وهخت هاتینه ئامادهكرن ژلایێ تیمێن سهر ب رێڤهبهریا گشتی یا ساخلهمیا پارێزگهها دهۆكێ ڤه، ل رۆژا 21/11/2009 تیمهكێ نوشدارێن ئیتالی گههشته پارێزگهها دهۆكێ و ل ئاڤاهیێ رێكخراوا هیڤی/ نازدار و ب ههڤكاریا چهند نوژدارێن تایبهتمهند رابوون ب پشكنینا چهند زارۆكێن نهخوش و تیمێ ناڤبری ههتا رۆژا 26/11/2009 دێ ل پارێزگهها دهۆكێ مینن و ل نهخوشخانێن سهر ب رێڤهبهریا گشتی یا ساخلهمیا پارێزگهها دهوكێ دێ ب چهند كریارێن نشتهرگهری رابن.
یولێ پێنتو، سهروكا رێكخراوا سیا یا ئیتالی دیاركر كو ئهڤه جارا سیێ یه ژ سالا 2007 ێ وهره ئهو قهستا پارێزگهها دهوكێ دكهن و گوت: ههتا نوكه ئهم شیایانه ژمارهكا مهزن یا زارۆكان چارهسهربكهین و چهندین نوژداران ژی پشكداری خولێن راهێنانێ بكهین بۆ مفا وهرگرتنێ و پێخوشحالیا خو ب ههڤكاریا رێڤهبهریا گشتی یا ساخلهمیا پارێزگهها دهۆكێ دهربری و خواست ئهڤ ههڤكاریه یا بهردهوام بیت.