ئهنفلاوهنزا بهربهلاڤH1N1د كومبوونهكا بهرفرهه دا
ب ئامادهبوونا د.عهبدوللا سهعید عهبدوللا، رێڤهبهرێ گشتیێ ساخلهمیا پارێزگهها دهۆكێ و ههموو رێڤهبهرێن ساخلهمیێ و كهرتێن ساخلهمیێ و نهخوشخانهیێن ب سهرڤه و نوونهرێن رێكخراوێن یونسێف و ساخلهمیا جیهانی ل دهوكێ و ژمارهكا نوژدارێن تایبهتمهند و پشكا خوپاراستنا ساخلهمیێ، ل دهمژمێر 11,30ێ سپێدههیا رۆژا شهمبی یا رێكهفتی 21/11/2009 كومبوونهكا بهرفرهه ل هولا رێڤهبهریا گشتی یا ساخلهمیا پارێزگهها دهۆكێ هاته ئهنجامدان. ل بهراهیێ رێڤهبهرێ گشتیێ ساخلهمیا پارێزگهها دهۆكێ كورتیهك دا ل سهر گرنگیا كونترولكرنا نهخۆشیا ئهنفلاوهنزا بهرهبهلاڤ و ژ ئامادهبونا خواست ههر ئێك ل جهێ خو كاربكهن ژبو پتر بهلاڤكرنا رهوشهنبیری و هشیاریا ساخلهمیێ دناڤ جهێن گشتی دا ژ پێخهمهت كونترولكرنا نهخوشیێ و گوت: دهربارهی پارێزگهها دهوكێ ههتا نوكه بتنێ دو حالهت دیاربووینه و چارهسهریا وان هاتیه كرن و نوكه ئهم ل ژڤانێ ینه كو ب هاریكاریا حكومهتا ههرێما كوردستانێ ئامیرێن دهستنیشانكرنا نهخۆشیێ بو پارێزگهها دهوكێ ژی بهێنه دابینكرن و ئهڤه دێ بیته هاندهرهك كو زوی نهخوشی دهستنیشان ببیت و پێدڤی ب چ لایهنێن دی نهبین. ئامادهبویێن كومبونێ ژی ههر ئێكێ ل دووڤ پێدڤیا دهڤهر و جهێ خو پلانا خو دارێشت ژبو كونترولكرنا نهخوشیێ.