چاڤدێریا ته‌ڤاڤ یا نه‌خوشیێن زارۆكان د كومبوونه‌كێ دا
هاتیه بلاڤکرن روژا ئێک شه‌مبێ, 6 کانونا بچیک 2009 - 1:05pm
ب ئاماده‌بوونا (د.عه‌بدوللا سه‌عید عه‌بدوللا) رێڤه‌به‌رێ گشتیێ ساخله‌میا پارێزگه‌ها دهۆكێ و هه‌موو رێڤه‌به‌رێن ساخله‌میێ و رێڤه‌به‌رێن كه‌رتێن ساخله‌میێ و رێڤه‌به‌رێن نه‌خوشخانه‌یان و ژماره‌یه‌كا نوژدارێن تایبه‌تمه‌ند، ئه‌ڤرۆ 3/12/2009 و ل هولا رێڤه‌به‌ریا گشتی یا ساخله‌میا پارێزگه‌ها دهۆكێ كومبوونه‌ك ل دور چاڤدێریا ته‌ڤاڤ یا نه‌خوشیێن زاروكان ل ده‌زگه‌هێن ساخله‌میێ هاته كرن.
د.ئه‌ڤیان سه‌بری، ژ پشكا خوپاراستنا ساخله‌میێ به‌حسێ ره‌وشا ساخله‌میا زاروكان ل عیراقێ و كوردستانێ كر و تێدا چه‌ند ژماره ل دور مرنا زاروكان و چاوانیا پێشڤه‌برنا خزمه‌تێن ساخله‌میێ و گرنگیدانێ ب ساخله‌میا زاروكان كر و گوت: پێدڤیه ل بنگه‌هێن ساخله‌میێ هه‌موو جورێن چاڤدیریا ساخله‌میێ ژ خوارن و وه‌رارێ و نیشانێن نه‌خوشیێ بهێته دان، داكو نه‌خوشی ب دروستی بهێنه ده‌ستنیشانكرن و چاره‌سه‌ركرن.
ژلایه‌كێ دیڤه د.سه‌روه‌ر سادق، رێڤه‌به‌رێ پشكا پلاندانێ ل دور چاوانیا هه‌لسه‌نگاندنا كارێ چاڤدیرَیێ ئاخفت و دیاركر كو پێدڤیه ل دویڤ خشته‌یه‌كێ ب به‌رده‌وامی كارێ هاتیه كرن ده‌مژمێرانه بهێته هه‌لسه‌نگاندن.
د.عه‌بدوللا سه‌عید عه‌بدوللا، رێڤه‌به‌رێ گشتیێ ساخله‌میا پارێزگه‌ها دهۆكێ ژی دیاركر كو ئه‌گه‌ر ئه‌م به‌راوردیێ دگه‌ل 10 سالێن بوری بكه‌ین دێ دیاربیت كو ساخله‌میا زارۆكان گه‌له‌ك باشتره و رێژا ینه‌خوشیان و مرنێ كێم بوویه و بجهئینانا پروژێ چاڤدێریا ته‌ڤاڤا سنه‌خوشێن دێ ره‌وشا ساخله‌میا زارۆیان ل پاشه‌روژێ هێش باشتر لێ هێت.
ئه‌ڤ مالپه‌ره فرێکه
