پروژێ پشكا تهنگاڤیان ل نهخۆشخانا زاخو یا گشتی هاته ڤهكرن
ئهڤرۆ 7/12/2009 و ل دهمژمێر 10ێ سپێدێ و ب ئامادهبوونا بهرێزان( تهمهر رهمهزان) پارێزگهرێ دهوكێ و ( ئهیدی سنو) بهرپرسێ تیما ئاڤهدانكرنا كوردستانێ سهر ب هێزێن ئهمریكی و ( كولونیل ئهمینوس) ژ هێزێن ههڤپهیمان) و ( حسێن خالد) قایمقامێ قهزا زاخو و ( د.رزگار) بهرپرسێ لقێ 8 یێ پارتی دیموكراتی كوردستان و (د.عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهۆكێ و ژمارهكا زور ژ بهرپرسێن حزبی و حكومی، پروژێ پشكا تهنگاڤیان ل نهخۆشخانا زاخو یا گشتی هاته ڤهكرن.
پشتی گهریان دناڤ پشكا ناڤبری دا هاتیه كرن، ئاههنگهك هاته سازدان و ل بهراهیێ رێزگرتن دهقیقهك بۆ گیانێ شههیدان راوهستیان و ددووڤدا بهرێز ( تهمهر رهمهزان) پارێزگهرێ دهۆكێ پهیڤهك پێشكێشكر و تێدا بهرههڤیا كارگێریا پارێزگهها دهوكێ بۆ پێشڤهبرنا رهوشا كهرتێ ساخلهمیێ ل زاخو نیشان دا و دیاركر كو ئهڤه ئێك ژ گهلهك پروژهیانه كو د پلانا حكومهتا ههرێما كوردستانێ دایه بجهبینیت.
ههردو بهرێزان ( ئهیدی سنو) و ( كولونیل ئهمینوس) ددو پهیڤان دا بهحسێ قوناغێن بجهئینانا پرۆژهی كر و مهرهمێن درۆستكرنا پروژهی كرن و خواستن كو ب كاركهفتنا ڤی پروژهی ببیته هاندهرهك بۆ كێمكرنا قوربانیێن روودانان و ببیته دهستپێكهك بو بجهئینانا پروژێن مهزنتر ب پشتهڤانیا حكومهتا ههرێما كوردستانێ.
د.عهبدوللا سهعید عهبدوللا، رێڤهبهرێ گشتیێ ساخلهمیا پارێزگهها دهوكێ دپهیڤهكێ دا خویاكر كو ئێدی خزمهتێن ساخلهمیێ دوارێ تهنگاڤیان دا ب شێوازهكی باشتر و ب ئامیرێن پێشكهفتی دێ بو نهخوشان هێنه پێشكێشكرن و گوت: ئهڤ پروژه د دوقوناغان دا بوری یه كو یا ئێكێ ئاڤاكرنا ئاڤاهی بوویه و كوژمێ (2,621,000$) بو هاتبوونه تهرخانكرن و ب پشتهڤانیا حكومهتا ههرێما كوردستانێ ژی كوژمێ ( 1,234,720,000) دینار بو هاتینه تهرخانكرن بو دابینكرنا ئامیره و كهل و پهلێن پزیشكی و ناڤمالیێ.
رێڤهبهرێ گشتیێ ساخلهمیا پارێزگهها دهوكێ دیاركر ژی كو پشتی ب دووماهی هاتنا ههردو قوناغێن پروژهی و دابینكرنا كارمهندان بۆ پشكا ناڤبری ههموو خزمهتێن پێدڤی ژ ( تیشك و تاقیگهه و نشتهرگهری و ...هتد) دێ لێ هێنه پێشكێشكرن.
ههژی یه كو پرۆژێ پشكا تهنگاڤیان ل نهخوشخانا زاخو یا گشتی ل رۆژا 3/7/2008 دهستپێكربو و دێ خزمهتێ پێشكێشی پتر 250000ئاكنجیبویێن زاخو و دهروروبهران كهت.