دووماهی هاتنا خوله‌كا ده‌روونی بو ماموستایان

ل ده‌مژمێر 1ێ‌ نیڤرۆیا ئه‌ڤرۆ 28/12 /2009 و ب ئاماده‌بوونا د.عه‌بدوللا سه‌عید عه‌بدوللا، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ و ( جه‌لاله‌دین صه‌دیق) جێگرێ‌ رێڤه‌به‌رێ‌ گشتیێ‌ په‌روه‌ردا دهوكێ‌،و چه‌ند ماموستا و سه‌رپه‌رشتێن په‌روه‌رده‌ی، خولا ده‌روونی بو ( 50 ) ماموستا و كارگێرێن قوتابخانه‌یێن سه‌ره‌تایی ل سه‌نته‌رێ‌ ساخله‌میا ده‌روونی ب دووماهی هات.
رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ د په‌یڤه‌كێدا پشته‌ڤانیا خو بو ڤان جوره‌ خولان دیاركر و داخواز ژ ماموستایێن پشكدار كر كو ئه‌و وانه‌یێن وه‌رگرتین ب شێوازه‌كێ‌ پراكتیك دناڤ قوتابیان دا بجه بینن دا بو ببنه‌ هانده‌ر ژبو كێمكرنا نه‌خۆشیێن ده‌روونی ل قوتابخانه‌یان و گوت: ساخله‌میا ده‌روونی وه‌كو پشكه‌ك گرنگ ژ ساخله‌میا جه‌سته‌ی دهێته‌ دیتن، له‌ورا ژی ب پشته‌ڤانیا رێكخراوێن بیانی و حكومه‌تا هه‌رێما كوردستانێ‌ گرنگیه‌كا تایبه‌ت هاتیه‌ دان.
جێگرێ‌ رێڤه‌به‌رێ‌ گشتیێ‌ په‌روه‌ردا دهۆكێ‌ ژی سوپاسیا رێڤه‌به‌ریا گشتی یا ساخله‌میا پارێزگه‌ها دهۆكێ‌ كر كو هه‌ڤكاریه‌كا باش دگه‌ل وان كریه‌ و خواست كو ل داهاتی خولێن به‌رفره‌هتر ژی دڤی واری دا بهێنه‌ ڤه‌كرن.
ل دووماهیێ‌ دیاری و باوه‌رنامه‌ ل سه‌ر پشكدارێن خولێ‌ هاتنه‌ به‌لاڤكرن.
خولا ره‌وشه‌نبیریا ده‌روونی ژلایێ‌ سه‌نته‌رێ‌ ساخله‌میا ده‌روونی سه‌ر ب رێڤه‌به‌ریا گشتی یا ساخله‌میا پارێزگه‌ها دهوكێ‌ ب هاریكاریا رێكخراوا IRD هاتبو ڤه‌كرن و بو ده‌مێ‌ 4 رۆژان ڤه‌كێشابوو.

 راگه‌هاندنا رێڤه‌به‌ریا گشتی ساخله‌میا پارێزگه‌ها دهوك