شانده‌كێ‌ نوژدارێن ئیتالی گه‌هشته‌ نه‌خوشخانا ئازادی یافێركرنێ‌

ژ بو ئه‌نجامدانا چه‌ند نشته‌رگه‌ێن قه‌سته‌را دلی بو زاروكان , ئه‌ڤرو 23/1/2010 شانده‌كێ‌ نوژارێن وه‌لاتێ‌ ئیتالی گه‌هشته‌ پارێزگه‌ها دهوكێ‌ .
شاندێ‌ ناڤبری ب هه‌ڤكاریا رێڤه‌به‌ریا گشتی ساخله‌میا پالاێزگه‌ها دهوكێ‌ و ب هه‌ڤكاری رێكخراوا هیڤی نازدار و هه‌ڤكاری بالوزخانا ئه‌مریكی ل عیراقی دێ‌ رابیت ب ئه‌نجامدانا ( 15 ) نشته‌رگه‌ریان بو زاروكان , شادێ‌ ئیتالی پێكهاتی ڤان به‌رێزانه‌یه‌ : د. مایو كارمیناتی , تایبه‌تمه‌ندیا نه‌خوشێن دلی یێن زاروكان , د . كارمیلو ئارجدیاكونو , تایبه‌تمه‌ندێ‌ نه‌خوشێن دلی یێن زاروكان , د. پولی بینتو , سه‌روكا رێكخلراوا سیا , د. ئلیا گاردی , سه‌روكێ‌ رێكخراوا مێدچایلد .  و ئه‌نریكو موسوو , رێكخراوا مێدچایلد , به‌رێز د. عبدالله‌ سعید عبدالله‌ رێڤه‌به‌رێ‌ گشتی ساخله‌میا پارێزگه‌ها دهوكێ‌ دیاركر كو ب هاتنا وان نوژداران بو چه‌ندین سالێن ل دیڤ ئێك گه‌له‌ك ئاریشه‌ وئاسته‌نگێن نه‌خوشێن زاروكان چاره‌سه‌ر بووینه‌ و گوت :
نوكه‌ ب پشته‌ڤانیا كارگێریا پارێزگه‌ها دهوكێ‌ سه‌نته‌ره‌كێ‌ تایبه‌تمه‌ند ب نشته‌رگه‌ریا دلی یێ‌ دهێته‌ ئاڤاكرن و ب كوژمێ‌ نێزیكی ( 4 ) ملیون دیناران و پشتی ئاڤاهی ب دوماهیك دهێت بریاره‌ ب كوژمێ‌ ( 5 ) ملیون دولارێ‌ ئه‌مریكی ئامیره‌ بهێنه‌ دابینكرن , هه‌ژیی بێژین هه‌ر دڤێ‌ سه‌ره‌دانێدا شاندێ‌ ناڤبری ترومبیله‌كا تایبه‌ت ب تیمێن ساخله‌میا گه‌روك ( ده‌ست نیشانكرنا حاله‌تێن نه‌خوشێن دلی یێن زكماكی یێن زاروكان و یه‌كه‌یه‌كا چاڤدێریا چر ) كریه‌ دیاری بو رێڤه‌به‌ریا گشتی یا ساخله‌میا پارێزگه‌ها دهوكێ‌ و مڤایه‌كێ‌ باش دێ‌ ژێ‌ هێته‌ وه‌رگرتن بو وان ده‌ڤه‌رێن دوور ژ بنگه‌هێن ساخله‌میێ‌ و بو زانین ئه‌ڤ ترومبێله‌ یا گرێدایه‌ ب كه‌نالێن ئه‌سمانی یێن ئیتلی یێن ڤێركرنی ژ بو هه‌رده‌مه‌كێ‌ نشته‌رگه‌ریه‌كا ئالوز نوژدارێن مه‌ دشێن ئێكسه‌ر په‌یوه‌ندیێ‌ ب وێنه‌ڤه‌ دگه‌ل چهێن په‌یوه‌ندیدار بكه‌ن و چاره‌سه‌ریا وی حاله‌تی بكه‌ن دگه‌ل نوژدارێن وان ............

راگه‌هاندنا رێڤه‌به‌ریا ساخله‌میا پارێزگه‌ها دهوك / صادق محمد تاهر